ڪراچيءَ مان اٿندڙ حڪومت مخالف آواز!

Posted on July 31, 2019 (1:59 pm)

اپوزيشن جي صفن ۾ جيتوڻيڪ ڪجهه اختلاف تري آيا آهن، اهي اختلاف بنيادي طرح ٽن مکيه پارٽين پيپلزپارٽي، مسلم ليگ نواز ۽ جي يو آءِ (ف) جي وچ ۾ آهن. انهن اختلافن کي بظاهر حڪمت عملي ۽ مختلف نقطهءِ نظر جو نالو ڏنو پيو وڃي. پر اصل ڳالهه رٿيل تحريڪ جي نتيجن ۽ ان کان پوءِ واري سيٽ اپ جي آهي. اهي اختلاف پنهنجي جاءِ تي، اپوزيشن پارٽين پنهنجي مهم ذريعي چئني صوبن کي گرمايو ضرور آهي. حساس صوبي بلوچستان ۾ شايد احتجاج وارو شو نه ٿي سگهي ها، ان شڪ کي دور ڪرڻ لاءِ اڳوڻي وزيراعظم جي ڌيءَ مريم نواز خود يوم احتجاج تي اتي پهچي ويئي. سنڌ ۾ بلاول ڀٽو زرداري سکر ۾ احتجاج جو مظاهرو ڪرڻ بعد گڏيل اپوزيشن جي ڪال واري ڏينهن تي صوبائي گاديءَ واري شهر ڪراچيءَ ۾ جلسو ڪيو. جلسي مان لڳو ته پيپلزپارٽي پنهنجي پر ۾ سمورين ڪوششن جي باوجود ڪراچي جي اردو ڳالهائيندڙن ۾ پنهنجي جڳهه نه ٺاهي سگهي آهي، جڏهن ته اپوزيشن جي ٻين جماعتن هن پروگرام کي “حاضري ڀرڻ” جي حد تائين رکيو ۽ ان کي صرف پيپلزپارٽي جو پروگرام ئي قرار ڏنو. ڪراچي وڏو صنعتي ۽ ڪاروباري مرڪز هجڻ سان گڏوگڏ بندرگاهه وارو شهر ۽ عالمي طور تي سڃاتل آهي. اهو شهر هر حڪومتِ وقت جي خلاف تحريڪ ۾ يا وري ان خلاف عام راءِ ٺاهڻ ۾ اهم ڪردار ادا ڪندو رهيو آهي.
هن وقت ڪراچيءَ ۾ صفائي، پيئڻ جي پاڻي، بجلي، گندي پاڻي جي نيڪال، صحت ۽ تعليم کان ويندي ٽرانسپورٽ ۽ ڪاروبار ۾ رڪاوٽن تائين خود انصاف ڀرئي انداز ۾ قانون جي موجودگي تائين انيڪ مسئلا آهن پر ڪابه ڌر انهن مسئلن جي حوالي سان ڪراچيءَ جي مالڪي ڪرڻ لاءِ تيار ناهي. جڏهن ته سياسي مالڪي لاءِ هر ڪا ڌر تيار آهي. ڪراچيءَ مان ڪوبه حڪومت مخالف سگهارو سياسي آواز نه پيو اچي. ايم ڪيو ايم ۾ ڌڙي بندي ۽ سرڪاري طور برانڊ يافته ڌڙي جي وفاقي حڪومت ۾ شامل هجڻ ڪري مسئلن لاءِ آواز نه پيو اٿي ۽ نه وري ڪنهن طريقي سان ڪراچيءَ جي سياسي تشفي ٿي رهي آهي. جماعت اسلامي هن شهر ۾ اچڻ لاءِ ڦيرا ڏنا پر اها پنهنجي ايپروچ ۽ ليڊرشپ ۾ ماضي جي جماعت ٿي ويئي آهي. ٻئي طرف اها جماعت پاڻ کي گڏيل اپوزيشن کان ڌار رکي اپوزيشن جي مکيه وهڪري جو حصو نه بڻجي رهي آهي. ان ڪري ڪراچي جي حڪومت مخالف جذبن جي عڪاسي نه پئي ڪري سگهي. اهڙين حالتن ۾ ٽي سال کن اڳ ايم ڪيو ايم کان منحرف ٿي پاڪ سرزمين پارٽي جي نالي سان نئين پارٽي ٺاهيندڙ مصطفيٰ ڪمال سنڀريو آهي ته هو انهيءَ خال کي ڀري. مصطفيٰ ڪمال جي پي ايس پي کي به سگهارن هٿن جي آشيرواد سان ٺاهيل پارٽي ليکيو وڃي ٿو. اها جماعت سمجهي ٿي ته اهڙين حالتن ۾ اها ڪا رول ادا ڪري سگهي ٿي. مصطفيٰ ڪمال کي گذريل سال وارين چونڊن جي نتيجن بابت به ڏک آهي ته سگهارين ڌرين ساڻس ڪو “سٺو سلوڪ” نه ڪيو. ڌڙي بندي کان پوءِ پاڻ کي متبادل سمجهڻ واري جماعت کي هڪ به سيٽ نه ملي سگهي. ڪراچي جي سيٽن جي جڏهن ورهاست ٿي رهي هئي ته ايم ڪيو ايم جي هٿن مان نڪرندڙ سيٽون تحريڪ انصاف جي جهولي ۾ وڌيون ويون. بعد ۾ پي ايس پي چوندي رهي ته ساڻس جيڪي شرط طئي ٿيا هئا، چونڊن جا نتيجا ان مطابق ناهن. چونڊن کان اڳ اها ڪوشش ڪئي ويئي ته اردو ڳالهائيندڙن جو ووٽ ورهائجي نه وڃي، ان مقصد لاءِ کليل توڙي لڪيل نموني ڳالهيون به ٿيون. فاروق ستار ۽ پي ايس پي اتحاد به ڪيو. پر اهو اتحاد به نتيجا نه ڏيئي سگهيو.
تحريڪ انصاف وٽ ڪراچي ۽ ايم ڪيو ايم جي ٽن ڳالهين جي ڪري اهميت آهي. (1) وفاقي حڪومت ۾ عددي کوٽ کي پورو ڪري رهي آهي. (2) ڪراچيءَ ۾ ناجائز اڏاوتون ڊاهڻ کان وٺي بجيٽ، مهانگائي، معاشي يا وري وفاقي حڪومت جي ڪن پاليسين بابت ڪراچيءَ ۾ ڪو وڏو احتجاج نه ٿئي. (3) جڏهن وفاقي حڪومت سنڌ ۾ پيپلزپارٽي جي حڪومت سان کيڏڻ گهري ته ان ۾ ايم ڪيو ايم ساٿ ڏئي. اهو ئي سبب آهي جو سنڌ اسيمبلي ۾ اپوزيشن ۾ هوندي به ايم ڪيو ايم جو ڊمي رول آهي.
ايم ڪيو ايم جو خيال هو ته اها وفاقي حڪومت جي حمايت ڪري گرفتار ڪارڪنن جي آزادي يا ڪارڪنن خلاف وڌيڪ ڪاررواين بابت ڪجهه رليف حاصل ڪري سگهندي. وڌيڪ اهو ته ڪراچي لاءِ ڪجهه فنڊز ۽ ترقياتي رٿائون به وٺي ويندي. ايم ڪيو ايم کي قومي اسيمبلي ۾ گهٽ ميمبر هجڻ جي باوجود ٻه وزارتون مليون ليڪن باقي معاملن ۾ ڪا گهڻي پيش رفت نه ٿي سگهي. بظاهر ڪراچيءَ جي ماڻهن لاءِ ايم ڪيو ايم جي وفاقي حڪومت ۾ شموليت جو ڪراچي جي ماڻهن کي ڪو فائدو نه مليو. اها ڳالهه خود ايم ڪيو ايم جي صفن ۾ به محسوس ڪئي پئي وڃي. ان ڪري پي ايس پي حڪومت مخالف بيانئي سان ميدان ۾ آئي آهي ۽ چوي ٿي ته “سمورين پارٽين کي آزمائي ڏٺو، اهي ڪراچي جي ماڻهن کي ڪجهه به نه ڏيئي سگهيون. گورنر ۽ ميئر ڪراچي برسات جو مزو وٺي رهيا آهن. ڪراچي لاءِ صدر، وزيراعظم، وفاقي وزيرن، ايم اين ايز، 26 ايم پي ايز واري تحريڪ انصاف به ڪجهه نه ڪري سگهي آهي.” سو وفاقي حڪومت ئي سندس تنقيد جي سڌن تيرن جي نشاني آهي.
ايم ڪيو ايم سان واسطو رکندڙ وفاقي وزير قانون فروغ نسيم ارڙهين ترميم مخالف آهي. وقت بوقت هو اهڙا بيان ڏيندو رهيو آهي. ساڳئي وقت سنڌ ۾ حڪومت خلاف بيان ڏيئي ايم ڪيو ايم جي حامين جي دل تي ٿڌي پاڻي جو ڇنڊو هڻندو رهيو آهي. مصطفيٰ ڪمال پنهنجي بيانن ۾ ايم ڪيو ايم وانگر سنڌ جي ورهاڱي جي ڳالهه ڪونه ٿو ڪري، هو وڏي حد تائين ارڙهين ترميم جو حامي آهي. سندس فرمائش اها آهي ته اهي اختيار اڃا به هيٺين سطح تي وڃڻ گهرجن. هن باغِ جناح واري پنهنجي جلسي ۾ سنڌ حڪومت تي به تنقيد ڪئي. جيڪا هونئن به هجڻ گهرجي ڇاڪاڻ جو هو سنڌ حڪومت جو اتحادي ناهي. سندس تنقيد جو حدف ايم ڪيو ايم ۽ وفاقي حڪومت آهن. اهو چئي سگهجي ٿو ته منطقي طور سندس سياسي موقف گڏيل اپوزيشن کي ويجهو آهي. اهو ئي سبب آهي جو گڏيل اپوزيشن حڪومت خلاف پنهنجي مهم جو آغاز ڪري چڪي هئي، تنهن اپوزيشن جي احتجاج واري ڏينهن کان چار پنج ڏينهن اڳ ڪراچيءَ جي باغ جناح ۾ وڏو جلسو ڪري پنهنجي پاور شو جو مظاهرو ڪيو. هن موقعي تي هن بلوچستان جو به هلڪو حوالو ڏنو، سندس اهو حوالو ڏيڻ اهم آهي.
پاڪ سرزمين پارٽي پنهنجي سرگرمين ذريعي اهو پيغام ڏنو آهي ته ڪراچي هن پارٽي جي ذريعي حڪومت مخالف ڪيمپ ۾ وڃي سگهي ٿي، جنهن جي مخالف ڌر کي به وڏي ضرورت آهي. ڪاروباري حلقا ۽ ڪجهه ٻيون ڌريون حڪومت جي تازين پاليسين کان بيزار آهن. اهي پنهنجي اظهار جو ذريعو ڳولي رهيا آهن. پي ايس پي پاڻ کي ان لاءِ آڇيو آهي. باقي اهي حلقا قبول ڪن ٿا يا نه؟ اها الڳ ڳالهه آهي. ساڳئي وقت اها آڇ حڪومت لاءِ به دڙڪو آهي ته پي ايس پي ڪراچيءَ جي انهن ڌرين کي پاڻ سان ملائڻ ۽ موبلائيز ڪرڻ جي اهليت رکي ٿي. مختلف واقعن ۽ رابطن مان لڳي ٿو ته ايم ڪيو ايم جي ڀيٽ ۾ پي ايس پي سنڌ حڪومت وٽ وڌيڪ قابل قبول آهي. مصطفيٰ ڪمال چوي ٿو ته “سڀ ماڻهو اسان ڏانهن پيا ڏسن” يعني ايم ڪيو ايم جي حامي صفن توڙي ان کان ٻاهر اها پارٽي پنهنجي رول جي ڳالهه ڪري رهي آهي. پي ايس پي اڳواڻ ان حد تائين ويو جو چيائين ته، “اسين روڊن تي به اچي سگهون ٿا.” تجزيه نگارن جو خيال آهي ته پي ايس پي پنهنجي لاءِ ڪو رول ڳولي رهي آهي. اهم نقطو اهو آهي ته رٿيل مڪاني چونڊن ۾ اها چاهي ٿي ته ساڻس “بهتر سلوڪ” ڪيو وڃي. ماضي ۾ ڪراچي بابت سگهارن هٿن جي اها حڪمت عملي رهي آهي ته ڪنهن گروپ کي هڪ سطح تي نظرانداز ڪيو ويندو آهي ته ٻئي سطح جي چونڊن ۾ ان سان بهتر سلوڪ ڪري حساب برابر ڪري ڏنو ويندو آهي. پي ايس پي جون اهي ڪوششون پنهنجي جاءِ تي پر ڪراچيءَ مان حڪومت مخالف آواز اچڻ رڳو اپوزيشن جي تحريڪ لاءِ ئي نه پر خود جمهوريت لاءِ به اهم آهي.

لیاری کی گینگ وار ، سیاست اور فکری سفر

لیاری کی گینگ وار ، سیاست  اور فکری  سفر

سہیل سانگی

آج کل لوگ  لیاری کو جرائم، منشیات اور گینگ وار کی علامت سمجھتے ہیں ، لیکن یہ اصل لیاری نہیں ہے۔ لیاری کی اصل پہچان سیاسی و فکری شعور، روشن خیالی اور رواداری   ہے، جو نصف صدی پہلے تک واضح تھی۔

تاریخی طورپرپسماندگی اورمزاحمت کی علامت کراچی کی یہ قدیمی بستی غیرتعلیم یافتہ اور بیروزگاروں بلوچوں، کچھیوں سندھیوں اور مارواڑیوں کی رہائش گاہ رہی۔ ثقافتی ونسلی کثیر رنگی اور روادی اس کا حسن تھا۔

مختلف برادریاں مختلف علاقوں سے یہاں آکر بسیں اوراپنے ثقافتی شناخت برقرار رکھتے ہوئے اس بستی کی بڑی شناخت کا حصہ بنیں۔ یہاں کے رہائشی مختلف پیشوں اوربندرگاہ پرخواہ دوسری دیہاڑی کی مزدوری سے وابستہ رہے۔اس بستی کا گدھا گاڑی کلچر بندرگاہ کی وجہ سے وجود میں آیا۔

ستر اور اسی کے عشرے میں حالات بگڑنا شروع ہوئے۔ باکسنگ، فٹ بال، کرکٹ، ڈانس، گدھا گاڑی کی ریس سمیت مختلف کھیلوں کی وجہ سے مشہور لیاری گینگ وار گروپوں کی بھینٹ چڑھ گیا۔ ایک وقت ایسا بھی آیا کہ لیاری دہشت کی علامت سمجھا جانے لگا۔

ساٹھ کے عشرے سے پہلے لیاری کی سیاست ہارون فیملی کے گرد گھومتی تھی۔ لال بخش رند، یوسف نسکندی اوراکبر بارکزئی ایک عرصے سےلیاری کے نوجوانوں کو سیاسی تعلیم دے رہے تھے، وہ بلآخرہارون فیملی کی سیاسی گرفت سے نکل آئے۔

پہلا احتجاج

لیاری نے سیاسی شعورکا پہلا اظہارایوب خان کے دورحکومت میں  کیا، جب یہاں کے رہائشی اپنے گھروں کے مالکانہ حقوق کے لئے احتجاج پراترآئے۔ سالہا سال سے یہاں پر رہائش پزیر لوگوں کے پاس یہ مالکانہ حقوق نہیں تھے۔

ہوا  یوں کہ کراچی میں تجارتی و صنعتی ترقی ہوئی تولیاری شہرکے پرانے کاروباری مرکز کے قریب ہوگیا۔ ایوب خان حکومت نے بڑے کمرشل مراکز اوربندرگاہ کے لئے گودام تعمیر کرنے کا منصوبہ بنایا۔ تریسٹھ تک لیاری نوٹیفائیڈ ایریا تھا، لوگوں کو پکے مکان بنانے کی اجازت نہیں تھی۔لہٰذا حکومت نے لیاری کے رہائشیوں کو یہاں اٹھاکر ملیر کھوکھراپار میں کے ڈی اے اسکیم سترہ   میں منتقل  کرنے کا فیصلہ کیا۔ حکومت کے اس اقدام پررہائشیوں میں سخت غم وغصہ کی لہر پیدا ہوگئی۔  

قدیم رہائشیوں کی ناجائزمنتقلی  کے خلاف بھرپور احتجاج ہوا جس پرلاٹھی چارج کیا گیا۔احتجاج میں نیشنل عوامی پارٹی نے بھرپورکردارادا کیا۔ ککری گرائونڈ میں بڑا احتجاجی جلسہ ہوا، جس سےعطاء اللہ مینگل، واجا اکبر بارکزئی، واجا یوسف نسکندی، لال بخش رند اور دیگر رہنمائوں نے خطاب کیا۔ احتجاج نے حکومت کو اپنا منصوبہ ترک کرنے پرمجبور کردیا۔ لیاری میں اسی دورمیں نیشنل عوامی پارٹی اورعوامی لیگ مضبوط ہوئیں۔

بلوچ قوم پرستی کی جنم بھومی

لیاری کو بلوچ قوم پرستی کی جنم بھومی مانا جا ہے۔  ڈاکٹر فیروز احمد کے مطابق لیاری کا اثر بلوچستان پر پڑا اور بلوچستان کی قوم پرستی کو نظریاتی بنیادیں فراہم کی۔

ککری گرائونڈ میں 1962 میں بلوچستان میں ناانصافیوں کے خلاف ایک بڑا اجتماع ہوا ،یہ پہلا موقعہ تھا کہ لیاری کے لوگوں  نے بلوچ رہنمائوں خیر بخش مری، میر غوث بخش بزنجو، عطاء اللہ مینگل اوربلوچی شاعر گل خان نصیر کو دیکھا اور سنا۔

مکران  کے رہائشی عبدالباقی بلوچ عوامی لیگ کی ہدایت حکمران جماعت مسلم لیگ کے امیدوار محمود ہارون کے مقابلے میں لیاری سے الیکشن لڑے۔ یہ ایوب خان کا بنیادی جمہوریتوں کا دورتھا۔

میرغوث بخش بزنجو بھی یہاں رکن اسمبلی بنے۔ اسی دورمیں محنت کش طبقے سے تعلق رکھنے والے بلوچ طلباء نے بلوچ اسٹوڈنٹس آرگنائزیشن بنائی۔

سیاسی  خسارے  کا آغاز

 کیمونسٹ پارٹی میں ماسکو اور چین نوازگروہ بندی کا لیاری کے سیاسی اورفکری گرائونڈ پرمنفی اثرپڑا۔ اس ایکٹوازم نے بھٹو کے لئے اسٹیج تیار کیا۔ لیاری پر دو کتابیں لکھنےوالے رمضان بلوچ کہتے ہیں کہ چین نوازگروپ سے رحیم بخش آزاد،عثمان بلوچ ودیگران پیپلزپارٹی میں چلے گئے۔

ملکی کی مضبوط طلباء تنظیم بلوچ اسٹوڈنٹس آرگنائزیشن میں اینٹی سردارگروپ کے نام سے تقسیم ہوئی۔ انہی دنوں میں بائیں بازو کے زیراثرلیاری نوجوان تحریک قائم ہوئی۔ 

پیپلزپارٹی کو واک اوور

دوسرا نقصان انیس سو ستر کے انتخابات کے موقع پر ہوا جب بلوچ رہنمائوں نے لیاری کو سیاسی طور پر چھوڑدیا، یہاں کے بجائےاپنے آبائی علاقوں سے الیکشن لڑا اور سیاست کی۔ کراچی کی تاریخ، سیاست و سماجیت پرجامع کتاب لکھنے والے گل حسن کلمتی بتاتے ہیں کہ ان رہنمائوں کی عدم موجودگی میں پیپلزپارٹی کو لیاری میں سیاسی اور فکری حوالے سے واک اوورمل گیا۔

انتخابات کے بعد پیپلزپارٹی حکومت میں آئی، اس نے لوگوں کوسیاسی طور پراپنے ساتھ جوڑے رکھنے کے لئے نوکریوں اور دیگرمراعات کے دروازے کھول دیئے۔ اب نوجوان حالات کو تبدیل کرنے کی اجتماعی جدوجہد کے بجائے اپنے ذاتی حالات ٹھیک کرنے میں مصروف ہو گیا۔ یوں لیاری کا سیاسی اور فکری اثاثہ کم ہوتا گیا۔  

پرانے سیاسی کارکن اور دانشور رحیم بخش آزاد نے ایک انٹریو میں کہا تھاکہ لیاری کے تعلیم یافتہ نوجوان بلوچ قوم پرست اور حقوق کی سیاست سے جڑے ہوئے تھے۔ لہٰذا مضبوط ہاتھوں نےجرائم، منشیات اور گینگ کو متعارف کرایا جس نے کراچی کی بہت ہی زیادہ متحد، طاقتور برادریوں کوتقسیم کر دیا۔ یوں لیاری بلوچ قوم پرستی کے مکہ مدینہ سے تبدیل ہو کر ڈرگ اور گینگ مافیا کی آماجگاہ بن گیا۔

سیاسی بیداری کی ابتدائی کہانی

لیاری سیاسی شعور اورحقوق کے لئے جدوجہد کی پرانی تاریخ رکھتی ہے۔ نورالدین ابتدائی سیاسی و سماجی کارکنوں میں سے ہیں۔ انہوں نے 1932 میں پندرہ روزہ اخبار البلوچ جاری کیا۔ 1939 میں میر غوث بخش بزنجو نے نورالدین کو بلوچ لیگ کے نمائندگی کرنے کے لئے مستونگ میں ہونے والی قلات نیشنل پارٹی کی کانفرنس میں بھیجا۔ انیس سو تیس کے عشرے میں واجا غلام محمد نورالدین نے بلوچ لیگ کے نام سے سیاسی تنظیم قائم کی۔ مشہور بلوچ رہنما غوث بخش بزنجو نے اپنا سیاسی کریئراس تنظیم سے کیا تھا۔

ضیاء دور

ضیاء دورمیں بھی لیاری نے ایم آرڈی تحریک میں بھی اپنا حصہ ڈالا۔ پیپلزپارٹی کے ساتھ رومانس جاری رکھا۔سعید بلوچ کہتے ہیں کہ لیاری کا سیاسی کلچر ضیاء دور میں بگڑا۔

 لیاری کے بلوچوں کو معاشی طور پر پیچھے دھکیلنے کا دودسرا مرحلہ ایم کیو ایم کا دورحکومت تھا۔ کراچی پورٹ ٹرسٹ اور دیگر اداروں سے بلوچوں کو نکالا گیا۔ کچھیوں، سندھیوں اوربلوچوں کو آپس میں لڑایا گیا۔دو ہزار نو میں نثار بلوچ کو گولی مار کر ہلاک کردیا گیا۔ ایک سال پہلے زاہد بلوچ کا قتل ہوا، وہ حقوق کے لئے لیاری ے لوگوں کو منظم کر رہے تھے۔

جب اسٹڈی سرکل اورروزمرہ کی سیاست  سکھانے والے استاد ہی چلے گئے تو میدان فکری اور ذہنی لڑائی کے بجائے ہاتھوں اور ہتھیاروں کی لڑائی کی طرف چلا گیا۔

غربت اورمسائل تو تھے ہی، اوپر سے لوگ سیاسی طورپر بھی لاوارث ہوگئے۔ گل حسن کلمتی کہتے ہیں کہ سیاسی جماعتوں نے لیاری کو اپنے سیاسی مفادات کے لئے استعمال کیا۔   

 دو ہزار تیرہ میں لیاری نے پیپلزپارٹی سے ہلکی بغاوت کی۔ انہوں نے پارٹی کے امیدوار کے مقابلے میں پرانے جیالے شاھجہان کو کامیاب کیا۔  دوہزار اٹھارہ کے انتخابات میں بلاول بھٹو ہارگئے اور تحریک لبیک جیت گئی۔ گل حسن کلمتی کے مطابق یہ لیاری کو سیاسی طور پراستعمال کرنے کا ردعمل تھا۔

ادب اور ثقافت

لیاری کے رہائشیوں کی منتقلی کے خلاف تحریک  چلانے والوںماسٹر یارمحمد بلوچ ، لال بخش رند، محمد یوسف بلوچ اور فقیرمحمد بلوچ  نے  انجمن بیداریہ بلوچاں کے نام سے تنظیم بنائی۔

پروفیسر خدابخش بلوچ سباد دشتیاری نے ساٹھ کےعشرے میں سیاسی شعور اور ادب میں نمایاں کردارادا  کرنے والے سید ظہور شاہ ہاشمی کے نام سے لائبرری قائم کی جو نایاب کتابوں کے لئے مشہور ہے۔

لیاری کی کمیونٹی کے حقوق اوران میں سیاسی و فکری شعور پیدا کرنے میں صدیق بلوچ، عبدالرحیم بلوچ ،عثمان بلوچ، عائشہ سومرو، لالا گل محمد ہوت، جی آر گلاب، خالق زردان، غلام اکبر بلوچ اور رمضان بلوچ کے رول کو جھٹلایا نہیں جاسکتا۔

ازسرنو ابھار کی کوششیں

گینگ وار کے کچھ 'لاڈلے' آپس کی لڑائیوں  میں مارے گئے۔اس کے ساتھ  قانون نافذ کرنے والوں نے آپریشنز کئے، تب جاکریہ پُر امن علاقہ بنا۔ تجارتی سرگرمیاں بحال ہونے لگیں۔

آج زندگی رواں دواں اور کاروباری سرگرمیاں پوری طرح بحال ہیں۔

گینگ وار کی وجہ سے سیاسی لوگ لیاری چھوڑ کر چلے گئے۔ ایک عرصے تک ایسے لوگوں کی عدم موجودگی میں ترقی پسند فکر اورسوچ کا خلاء پیدا ہوا تھا۔ اب صورتحال تبدیل ہورہی ہے۔ اہل فکر و دانش لوٹ رہے ہیں۔ ہر ہفتے ادبی، ثقافتی یا سیاسی بحث مباحثے کی نشست ہوتی ہے۔لیاری پر کتابیں لکھی جارہی ہیں۔ ادبی فیسٹیول ہو رہے ہیں۔ نوجوان مختلف شعبوں میں ابھر کر آرہے ہیں۔ لیاری کے دانشوروں کو  خدشہ ہے کہ  کہیں مضبوط ہاتھ   یہ سفر روک نہ دیں۔

 27 جولائی ، 2019

https://www.urdunews.com/node/427131/%D9%BE%D8%A7%DA%A9%D8%B3%D8%AA%D8%A7%D9%86/%D9%84%DB%8C%D8%A7%D8%B1%DB%8C-%DA%AF%DB%8C%D9%86%DA%AF-%D9%88%D8%A7%D8%B1%D8%8C-%D8%B3%DB%8C%D8%A7%D8%B3%D8%AA-%D8%A7%D9%88%D8%B1-%D9%81%DA%A9%D8%B1%DB%8C-%D8%B3%D9%81%D8%B1

امریکہ ہم سے کیا چاہتا ہے؟

امریکہ ہم سے کیا چاہتا ہے؟ 

سہیل سانگی

ایک سال پہلے ٹرمپ نے کہا ہم نے تینتیس ارب ڈالر پاکستان کو دے کر بیوقوفی کی۔ وزیراعظم عمران خان بھی امریکی صدر کا سامنا نہیں کرنا چاہتے  تھے۔ اب پاکستان کے وزیراعظم کوخود ہی دعوت دے کر بلایا،عرب نیوز کے مطابق  امریکی صدر کو پاکستانی وزیراعظم کی ملاقات کرانے میں سعودی ولی عہد محمد بن سلطان نے کردار ادا کیا۔بہرحال اب  اس دوسرے پر شک کرنے والے ان دو ملکوں دو انوکھے قائدین کے درمیان ملاقات ہورہی ہے۔ ہماری کسی سفارتی کوشش کے بغیر خود امریکی صدر کی دعوت پر ہونے والی یہ ملاقات ایک بڑا سفارتی چیلنج ہے۔

زمینی حقائق یہ ہیں کہ نیشنل ایکشن پروگرام پر عمل درآمد، پاکستان  اور خطے میں چین  کے بڑھتے ہوئے اثر،امریکہ ایران تنازع، افغانستان سے امریکی افواج کا انخلااور اس کے بعد یہاں پر نئے سیٹ اپ کی تشکیل، پا کستان کا روس کے قریب آنا ایسے موضوعات ہیں جن کی وجہ سے امریکی پالیسی سازوں کو پاکستان کی یاد ستا رہی ہے۔مجموعی طور پر کہا جاسکتا ہے کہ بڑا ایجنڈا ہمارے خطے کی صورتحال ہی ہو گا۔ جس میں چین، افغانستان، ایران اور بھارت سے پاکستان کے تعلقات  اہم  نکات رہیں گے۔

ٹرمپ انتظامیہ کہتی ہے کہ’اگراسلام آباد دہشتگردوں اورعسکریت پسندوں کے حوالے سے اپنی پالیسی تبدیل کرتا ہے توامریکا پاکستان کو پیغام ہے کہ تعلقات کی بہتری اور پائیدار شراکت کے قیام کے لئے دروازے کھلے ہیں۔‘ سفارتی زبان میں اس کی تشریح یہ کی جاسکتی ہے کہ بصورت دیگرے دروازے بند ہیں۔ وائٹ ہاؤس  کے پاس مطالبات کی فہرست ہے، عمران خان سے پاکستان میں خواتین  و اقلیتوں کے حقوق، آزادی صحافت، اور عسکریت پسند تنظیموں کے خلاف ٹھوس ایکشن  وغیرہ۔ ٹرمپ انتظامیہ افغانستان میں قیام امن کیلئے اسلام آباد سے ٹھوس تعاون چاہتی ہے۔ ایک سنیئر امریکی افسر نے ملاقات سے پہلے کہا تھا کہ ہم کسی دھوکے میں نہیں ہیں، ٹرمپ انتظامیہ پاکستان کی جانب سے عسکریت پسندوں کے خلاف کیے جانے والے اقدامات کا بغورجائزہ لے گی۔ 

وزیر اعظم عمران خان کے دورہ امریکہ سے پہلے ٹرمپ کی خوشنودی کے لئے پاکستان نے 3بڑے اقدامات کئے گئے ہیں،دوحا  مذاکرات، حافظ سعید کی گرفتاری،ایف اے ٹی ایف کی پابندیوں سے بچنے کے لیے انتہا پسندی اور منی لانڈرنگ کے خلاف بھی واضح اقدامات۔ امریکہ کے خصوصی ایلچی زلمے خلیل زاد بلکہ امریکہ، چین اور روس نے مشترکہ طور پر پاکستان کی کوششوں کو سراہا ہے۔یاد رہے کہ عسکریت پسند گروپوں کے حوالے سے امریکہ اور بھارت کا نقطہ نظر ایک جیسا ہے۔ 

 پاکستان کیلئے امریکی سیکورٹی امداد پر لگائی گئی پابندی کے حوالے سے امریکی افسر کا کہناتھا  ’اس پالیسی میں کوئی تبدیلی نہیں ہوگی تاہم اگر پاکستان امریکی خواہشات کے مطابق دہشتگردوں اور عسکریت پسند گروپوں کے خلاف ٹھوس اور جامع اقدامات کرتا ہے توکچھ پالیسیز پر نظر ثانی کی جاسکتی ہے۔‘اب کولیشن سپورٹ  فنڈ بحال ہونے کا امکان ہے جو گزشتہ ستمبر سے بند ہے۔ پاکستان کے نزدیک یہ دورہ معاشی مشن ہے۔اس کے ساتھ ساتھ افغانستان کے سیاسی حل میں اپنا کردار۔ یہ بھی کہا جارہا ہے کہ بھارت سے مذاکرات کے لیے کردار ادا کرنے کی فرمائش بھی  ہو۔

 دورے کا سب سے اہم پہلو پاکستانی فوج کے سربراہ جنرل قمر جاوید باجوہ کا وزیراعظم کے ساتھ جانا ہے جس پر کہا جارہا ہے کہ یہ وزیراعظم عمران خان کے خارجہ امور پر اختیارات کم ہونے کی طرف اشارہ ہے۔ لیکن امریکی تجزیہ نگاروں کا کہنا ہے کہ امریکہ پاکستان کے اس مضبوط ادارے سے ہی  اپنے معاملات کی ضمانت چاہتا ہے۔ لہٰذا پاکستانی سول اور عسکری قیادت امریکہ کے ساتھ تعلقات کی نئی جہت دینے پر متفق ہے۔

ایک خیال ہے کہ امریکہ کو پاکستان کی ضرورت اس وجہ سے ہے کہ وہ افغانستان میں جنگ ختم کرنے جا رہا ہے۔ جبکہ خطے پر گہری نظر رکھنے والوں کا کہنا ہے کہ معاملہ اس کے الٹ ہے۔ امریکہ کی  اپنی پالیسیوں کی وجہ سے جنوبی اور مغربی ایشیاء میں پاکستان اور ترکی میں اپنا روایتی اثر کو کھو بیٹھاہے۔ تمام لینڈ لاکڈ  وسطی ایشیائی ریاستیں  متبادل راستے تلاش کر رہی ہیں انہی راستوں اوررابطوں میں اپنا مستقبل تلاش کررہی ہیں۔ امریکہ کے لئے اس خطے میں پہلی  بڑا مسئلہ ہو  رہا ہے۔ ایشیائی معاشی طاقتیں ابھرتی رہی ہیں اور وہ نہ صرف اس خطے بلکہ عالمی سطح پر اپنا کردار متعین کر رہی ہیں۔ چین، روس، ایران اور پاکستان کا طاقتور بلاک بن سکتا ہے۔ خطے میں دو مرکزے چین اور بھارت بن رہے ہیں۔بھارت کو علاقائی صف بندی میں بڑی اہمیت حاصل کررہا  ہے۔ سی پیک  خطے خواہ عالمی معیشت کی تنظیم نو اور سیاسی صف بندی کر رہا ہے۔لہٰذا  امریکہ اس خطے میں نئی مہم جوئی کی منصوبہ بندی کر رہا ہے اور اس مرتبہ ایک عرب ملک میں اپنی افواج اتار رہا ہے۔ایران کے ساتھ بھی تنازع میں ہے۔ ان حالات میں پاکستان اپنے محل وقوع کی وجہ سے اس کے لئے بہت اہمیت اختیار کر گیا ہے۔

 امریکہ پاکستان کے موجودہ معاشی بحران کا  آخری حد تک فائدہ اٹھانا چاہتا ہے۔ معاشی ڈکٹیشن آئی ایم ایف نے دے دی، مزید ہدایات موجودہ دورے کے دوران عالمی اداروں کے عہدیداران سے ملاقات کے موقع پر ملیں گی۔اب خارجہ پالیسی کی باری ہے۔ امریکی فرمائش کچھ ایسی لگتی ہے کہ پاکستان پہلے کی طرح اس خطے میں امریکی مفادات کی حفاظت کے لئے فرنٹ لائن اسٹیٹ کا کردار برقرار رکھے یعنی اس خطے کے تیل و گیس سمیت دیگر وسائل پر قبضے کی جنگ میں کھل کر امریکہ کا ساتھ دے۔ یہ مطالبات منوانے کے لئے امریکہ عالمی بینک، آئی ایم ایف اور دیگر عالمی اداروں کو استعمال کرے گا۔ امریکہ پاکستان کے معاشی بحران کو ہتھیار کے طور پر استعمال کرے گا۔کیا پتہ  امریکہ اپنی وہ پرانی دھمکی یاد دلا دے کہ ”اگر ہماری بات نہ مانی تو پتھر کے دورمیں واپس بھیج دیں گے“۔

 افغانستان  کے حوالے امریکی قیادت کو مطمئن کر نا، ایران امریکہ کشیدگی خواہ ا سعودیہ ایران کشیدگی میں  اپنے متوازن کردار کا تحفظ کرنا وقت کی اہم ضرورت ہے۔کوئی ایسا وعدہ نہیں ہونا چاہئے جو پاکستان کے لئے مسائل  کھڑے کرے۔ اس وقت پاکستان میں سول ملٹری تعلقات نہایت ہی سازگار ہیں۔ اب صرف یہ عمران خان پرمنحصر ہے کہ وہ امریکہ سے کیا لیکر آتے ہیں۔

تحریک عدم اعتماد کے پیچھے سیاست

تحریک عدم اعتماد کے پیچھے سیاست

میرے دل میرے مسافر  سہیل سانگی 

دعوؤں کے باجودمتحدہ اپوزیشن  بجٹ کے خلاف کوئی بڑا مظاہرہ نہیں سکی۔اب چیئرمین سینیٹ کے خلاف تحریک عدم اعتماد  اور نیا چیئرمین منتخب کرانے پر پوری توجہ مرکوز ہے۔ اپوزیشن جماعتوں کی طرف سے چیئرمین سینیٹ کے خلاف جمع کرائی گئی تحریک عدم اعتماد پر کارروائی کے لئے صدر نے سینیٹ کا اجلاس یکم اگست کو طلب کیا ہے۔ سیاست میں جوڑ توڑ کے بادشاہ آصف علی زرداری نے بلوچستان کے ایک قدرے غیر معروف شخصیت کو چیئرمین سینیٹ  بناکر دکھا دیا کہ سیاست صرف ممکنات کا فن نہیں بلکہ ناممکن کام کرنا اس سے بھی بڑی سیاست ہے۔ جب وہ اپنے ہی بنائے ہوئے چیئرمین سینٹ صادق سنجرانی کو اپوزیشن کی جماعتوں کے ساتھ مل کرہٹانے کی کوشش کر رہے ہیں،  اس سے یہ ثابت کرنے کی کوشش کر رہے ہیں کہ وہ آج بھی سیاسی طور پر پہلے کی طرح طاقتور ہیں۔ تبدیل شدہ حالات میں وہ غیراہم یا  فاضل قوت نہیں ہوئے۔اس کی کامیابی یا ناکامی پر ہی اپوزیشن کی بقا کا بڑا انحصار ہے۔

 حکومت چاہتی ہے کہ چیئرمین سینیٹ کے خلاف تحریک عدم اعتماد واپس لی جائے یا پھر ووٹنگ میں ناکام ہو۔  اسلام آباد کے سیاسی حلقوں میں جہانگیر ترین کی سرگرمیوں سے متعلق خوف کا اظہار کیا جارہا ہے جو یہ دعویٰ کر رہے ہیں کہ صادق سنجرانی ہی چیئرمین رہیں گے۔چونکہ حکمران جماعت اور ان کے اتحادی نمبر گیم میں کمزور ہیں، لہٰذا حکومت  اپوزیشن  کے سینیٹرز توڑنے کی کوشش کر رہی ہے کہ اپوزیشن کے دس کے قریب سینیٹرز ووٹنگ میں حصہ نہ لیں، اور اگر لیں تو اپوزیشن کی عدم اعتماد تحریک یا نئے چیئرمین کے انتخاب میں اپوزیشن کے حق میں ووٹ نہ دیں۔ نواز لیگ کے دو سینیٹرز کلثوم پروین اور دلاور خان نے چیئرنین سینیٹ کے عشائیے میں شرکت کی۔ جس پر پارٹی نے انہیں اظہار وجوہ کا نوٹس دیا ہے۔ بلاول بھٹو زرداری نے بھی ہارس ٹرینگ کا خدشہ ظاہر کیا ہے، کہا کہ پیسے بھلے لو لیکن ووٹ اپوزیشن امیدوار کو دو۔ پیپلزپارٹی رہنما سینیٹر شیری رحمٰن نے کہا کہ ہارس ٹریڈنگ کے نئے معیار مقرر کئے جارہے ہیں۔ انہوں دعوا کیا کہ ہم نے تریسٹھ اراکین کی اکثریت دکھادی ہے۔ حکومت کو اس وقت اعلانیہ طور پر36 ارکان سینٹ کی حمایت حاصل ہے۔

 تحریک عدم اعتماد واپس لینے کے لئے بھی حکومت کوشاں ہے۔ حکمران  جماعت کے سینیٹرز نے اپوزیشن کی تحریک کی بظاہر باگ ڈور ہاتھ میں رکھنے والے مولانا فضل الرحمٰن سے ملاقات کی، لیکن انہوں نے یہ کہ کر صاف انکار کردیاکہ ’بہت آگے جاچکے ہیں، اب واپسی ممکن نہیں۔‘

بلاول بھٹو  نے سکھر سے مہنگائی کے خلاف مارچ کیا، اور گھوٹکی کے ضمنی انتخابات  میں مصروف رہے۔ ان کا کہنا ہے کہ وزیراعظم نے امریکی دورے کے دوران جھوٹے دعوے کئے۔ ہمیں زیادہ وعدے نہیں کرنے چاہئیں۔ حکومت بچانے کے لئے این آر او کی باتیں کر رہے ہیں۔سی پیک پاکستان کا مفاد ہے پیپلزپارٹی اس پر کوئی سمجھوتہ نہیں کرے لیکن اس کے ساتھ ہی  بلاول بھٹو نے خارجہ امور پر حکومتی کوششوں کی غیر مشروط حمایت کردی، مشیر برائے اطلاعات فردوس عاشق اعوان نے  بلاول کی سوچ کو مثبت قرار دیا ہے۔

 آصف  زرداری کہتے ہیں کہ ہم بیرکوں میں رہنے والے ہیں، اس سے یہ سمجھا جارہا ہے کہ رلیف لینا پیپلزپارٹی  کے لئے کوئی بڑا کھیل نہیں، خاص طو ر اس صورت میں جب تحریک انصاف اپنا سیاسی دشمن نمبر ون نواز لیگ کو سمجھتی ہے۔ امریکی صدر ٹرمپ کے سابق حکومتوں کے بارے میں ریمارکس کو بھی اسی کھاتے میں ڈالا جارہا ہے۔سابق وزیراعظم شاہد خاقان عباسی کے علاوہ رانا ثناء اللہ اور دیگر رہنماؤں کی گرفتاریوں کو اس سلسلہ کی کڑی سمجھا جا رہا ہے۔فیصل آباد میں مریم نواز اور پانچ ہزار افراد کے خلاف مقدمہ درج کرلیا گیا۔ پاکستان کو سابق صدور اور انتظامیہ شاید پسند نہ تھے۔ جبکہ پیپلزپارٹی کے خلاف مزید گرفتاریوں کا سلسلہ فی الحال رکا ہوا  نظرآرہاہے۔ سابق صوبائی وزیر شرجیل میمن ضمانت پر رہا ہو چکے ہیں۔

آنے والے دنوں میں پیپلزپارٹی شاید احتجاج کی سیاست میں زیادہ سرگرم کردار ادا نہ کر سکے اور سیاسی میدان میں مولانا فضل الرحمان اور اور مریم نواز کی شکل میں مسلم لیگ (ن) ہی حکومت کے سامنے صف آرا ہوں۔اپنی موجودگی برقرار رکھنا چاہے گی۔ممکن ہے کہ یہ موجودگی سڑکوں کے بجائے منتخب ایوانوں میں زیادہ نظر آئے۔ مریم نواز فیصل آباد کے جلسے اور عدالتوں میں پیشی سمیت پوری طرح اپوزیشن کی رہنما کی حیثیت سے منظر پر موجود ہیں۔ بلاول بھٹو کی امریکہ جانے کی اطلاعات آئیں کہ وہ وزیراعظم کی امریکہ آمد سے قبل وہاں اہم شخصیات سے ملاقاتیں کریں گے اور اپوزیشن کا نقطہ نظر پیش کریں گے۔اس ضمن کیا پیش رفت ہوئی؟ اس کے بارے میں کوئی خبر نہیں۔ مولانا فضل الرحمان نے  اپوزیشن کو یکجا کر کے حکومت کے خلاف سرگرم کرنے میں مرکزی کردار ادا کیا۔تاہم انہوں نے حکومت کے خلاف بڑے اور موثر اجتماعات کرکے اپنی سیاسی طاقت کا مظاہرہ بھی کیا اور یہ پیغام دیا ہے کہ وہ تنہا بھی حکومت کے خلاف تحریک چلا سکتے ہیں۔

مسلم لیگ  نواز ان دنوں سیاسی طور پر بہت متحرک دکھائی دے رہے ہیں۔ مریم نواز نے تو ریلیوں کے ذریعے احتجاج کا آغاز کر دیا ہے۔ منڈی بہاؤ الدین کے بعد فیصل آباد میں بھی وہ ”پاور شو“ کر چکی ہیں۔ اعلیٰ قیادت کی ہدایات پر اس سے قبل احسن اقبال، خواجہ آصف اور دیگر رہنما ؤں نے ورکرز کنونشن کئے، اور کارکنوں کو متحرک کیا، یہ وہ کام ہے جو کسی تحریک چلانے سے پہلے ضروری ہوتا ہے۔

پیپلزپارٹی  بہت محتاط طریقے سے کھیل رہی ہے۔لیکن پیپلزپارٹی یہ بھی نہیں چاہے گی کہ خود کو مکمل طور پر اپوزیشن سے الگ کر لے۔ سندھ میں حکومت کھونا نہیں چاہتی۔ اس کے علاوہ وہ صرف اکیلے سندھ کو احتجاج میں نہیں لے جانا چاہتی۔وہ اس بات کا انتظار کرہی ہے کہ نواز لیگ پنجاب کو جگائے، سندھ بعد میں شامل ہو سکتا ہے۔فی الحال چیئرمین سینیٹ کے خلاف تحریک عدم اعتماد  کی کامیابی  بتائے گی کہ پیپلز پارٹی کی اہمیت کیا ہے۔ اس سے  بڑھ کر یہ متحدہ اپوزیشن کی بقا کا سوال ہے۔

پاک امریکہ تعلقات: دس ہزار ٹن گندم اور جیکی کے قہقہے

 20 جولائی ، 2019

 سہیل سانگی -کراچی

    

پاکستان اور امریکہ کے تعلقات سکیورٹی اور فوجی سے لے کر معاشی قربت اورمشکل سفارت کاری تک کے مراحل سے گزرے ہیں۔

ان تعلقات پر پبلک ڈپلومیسی کا بھی سایہ رہا۔ امریکہ کو ایک ہی فکر تھی کہ برصغیرکے دو نوآزاد ممالک کمیونزم کے بڑھتے ہوئے سائے میں نہ چلے جائیں۔ لہٰذا پبلک ڈپلومیسی پرعمل کیا گیا۔ یہ کام پاکستان سے بشیر ساربان اورامریکہ سے نائب صدر لنڈن جانسن اور فرسٹ لیڈی جیکولین کے حصے میں آیا۔

چند برس پہلے پاکستان کے وزیراعظم محمد علی بوگرا کچھ زیادہ ہی خیرسگالی کا مظاہرہ کرچکے تھے۔ ہوا یوں کہ پچاس کے عشرے کے ابتدائی برسوں کے دوران پاکستان میں غذائی قلت کی صورتحال پیدا ہوگئی۔

اگرچہ قیام پاکستان کے بعد چند سال تک پاکستان اپنی ضروریات سے چار لاکھ ٹن گندم زائد پیدا کررہا تھا اور اضافی گندم جاپان، جرمنی کو برآمد کررہا تھا لیکن 1952 میں گندم کی پیداوارمیں کمی واقع ہوگئی۔

اس کی وجہ گندم کے بجائے کپاس کی زیادہ کاشت اور پانی کی قلت تھی۔ امریکی وزارت خارجہ اور سفارت خانے کے درمیان ہونے والی خط وکتابت (جو ابھی ڈی کلاسیفائیڈ ہوچکی ہے) کے مطابق ’پاکستان نے تین لاکھ ٹن گندم کا مطالبہ کیا ہے جس کی لاگت 15 ملین ڈالر ہوگی۔ وہ سمجھتے ہیں کہ ڈیڑھ لاکھ ٹن گندم کافی ہوگی کیونکہ یہ گندم پہنچنے کے بعد نجی ذخائر سے سٹاک بھی مارکیٹ میں آ جائے گا۔ یہ سوال باقی تھا کہ یہ رقم بطور قرضہ دی جائے یا گرانٹ؟‘

گورنر جنرل ملک غلام محمد نے خواجہ ناظم الدین کابینہ کو برطرف کیا اور امریکہ میں متعین پاکستانی سفیر محمد علی بوگرہ کو وزیراعظم مقرر کردیا۔ فوٹو: ڈان

امریکہ نے پہلی مرتبہ پاکستان کو آئی ایم ایف سے رجوع کرنے کا مشورہ بھی دیا۔ امریکی اسسٹنٹ سیکرٹری بائروڈ نے سیکرٹری خارجہ کو خط لکھا ’پاکستان کو ساڑھے سات لاکھ ٹن گندم کی ضرورت ہے جس کی مالیت پچہتر ملین ڈالر ہوگی۔ پاکستان آئی ایم ایف سے پچیس ملین ڈالرقرضہ لے سکتا ہے۔‘

جون 1952 میں امریکی سفیر نے واشنگٹن کو بتایا ’روس نے پاکستان کو چار لاکھ ٹن گندم دینے اور بدلے میں کپاس اور پٹ سن لینے کی پیشکش کی ہے۔‘

امریکی اسسٹنٹ سیکرٹری بائروڈ نے لکھا ’پاکستان کی مدد کرنے کی بڑی سیاسی اہمیت ہے، پاکستان مشرق وسطیٰ کے دفاع میں اچھا کردارادا کرسکتا ہے۔ محل وقوع کے لحاظ سے یہ ملک آزاد ایشیا اور مشرق وسطیٰ کے درمیان واقع ہے، اگر حکومت خوراک کے بحران میں مناسب قدم اٹھانے میں ناکام ہو جاتی ہے تو اندرونی خلفشار بڑھے گا جس سے امریکی مفادات خطرے میں پڑ سکتے ہیں۔ اگر امریکہ نے گندم نہ دی تو پاکستان روس سے گندم حاصل کرلے گا اس صورت میں خطے میں ہماری ساکھ کو دھچکا پہنچے گا۔‘

مزید پڑھیں

• 
  وسعت اللہ خان کا کالم: زخم کھاتے ہیں زہر اگلتے ہیں

امریکی جنوبی ایشیا آفس کی رپورٹ کے مطابق پاکستانی وزیر خارجہ سر ظفراللہ خان نے بتایا کہ ملک میں کم گندم کی پیداوار کی بڑی وجہ بھارت کی طرف سے پاکستان کو پانی کی کم فراہمی ہے۔

17 اپریل کو گورنر جنرل ملک غلام محمد نے خواجہ ناظم الدین کی کابینہ کو برطرف کیا اوراسی رات امریکہ میں متعین پاکستانی سفیر محمد علی بوگرہ کو وزیراعظم مقرر کردیا، وہ ان دنوں پاکستان میں تھے۔ 

امریکہ نے تعلقات کو پرسنلائز کرنے کی کوشش کی۔ پہلا اشارہ امریکی سیکرٹری خارجہ جان فوسٹر ڈیولز کی زراعت و جنگلات سے متعلق کمیٹی کے سامنے پاکستان کو گندم کی فراہمی کے حق میں دلائل سے ملتا ہے۔ ’کراچی میں مجھے نہایت ہی شاندار گارڈ آف آنر پیش کیا تھا۔‘

محمد علی بوگرا کے لیے مشہورتھا کہ وہ امریکی آشیرواد سے وزیراعظم بنے تھے۔ فوٹو: وائٹ ہاؤس

محمد علی بوگرا کے لیے مشہورتھا کہ وہ امریکی آشیرواد سے وزیراعظم بنے تھے۔ امریکہ نے ان پر شفقت کا ہاتھ رکھا۔ پاکستان نے خراب ہوتی غذائی صورت حال کے پیش نظر امریکہ سے امداد کی درخواست کی تھی۔ جواباً امریکی جہاز اینکریج وکٹری 21 جولائی کو ساڑھے دس ہزار ٹن امریکی گندم بطور تحفہ  لے کر کراچی پہنچ گیا۔

پاکستانی حکومت نے اس اقدام کا والہانہ خیرمقدم کیا۔ جہاز کو خوش آمدید کہنے کے لیے وزیراعظم بوگرہ خود بندرگاہ پہنچے۔

خیرمقدمی تقریر میں انہوں نے امریکی اقدام کو سراہا لیکن اسی پر اکتفا نہیں کیا، امریکہ کو خوش کرنے کے لیے انہوں نے جذباتی ٹچ والی ایک ترکیب نکالی۔ گندم جن اونٹ گاڑیوں کے ذریعے شہرلائی جا رہی تھی، انہوں نے ہر اونٹ کے گلے میں ایک تختی لٹکوادی۔ جس پر انگریزی میں لکھا تھا ’تھینک یو امریکہ‘۔

 تعلقات کو مزید عوامی سطح پر 1961 میں امریکی نائب صدر لنڈن جانسن کے دورہ پاکستان کے دوران لایا گیا۔

جانسن نے ایک اونٹ گاڑی والے بشیر ساربان سے ہاتھ ملایا اوربے تکلف انداز میں کہا ’تم کبھی امریکہ آؤ نا‘ یہ عام گاڑی بان کو امریکہ آنے کی دعوت تھی۔ چند ماہ بعد بشیرساربان کو واقعی امریکی حکومت کی جانب سے دورے پربلا لیا گیا۔ عالمی میڈیا میں اس کو بہت پذیرائی ملی۔

امریکی نائب صدر لنڈن جانسن نے پاکستانی اونٹ بان بشیر ساربان سے ہاتھ ملایا اور انہیں امریکہ آنے کی دعوت دی۔ فوٹو: ایکسپریس ٹریبیون

ساڑھے دس ہزار ٹن گندم کے تحفے سے شروع ہونے والا معاملہ وقت کے ساتھ آگے بڑھتا گیا۔ 1954 میں دونوں ملکوں کے درمیان دفاعی معاہدہ ہوا، بعد میں سینکڑوں فوجی افسران نے امریکہ میں تربیت حاصل کی۔

امریکہ میں پاکستان کے فوجیوں کو فوجی ترکیبوں کے ساتھ ساتھ لیڈرشپ، مینجمنٹ اور معاشی نظریوں کے بارے میں بھی تربیت دی جاتی رہی۔ بعدازاں پاکستان امریکی فوجی حکمت عملی کا بھی حصہ بنا۔

1962 میں امریکی فرسٹ لیڈی جیکولین کینیڈی نے کراچی سے لاہور، راولپنڈی اور طورخم تک دورہ کیا۔تعلقات کی وسعت اور گہرائی میں ذاتی ربط اورجذباتیت کا بھی عمل دخل ہوتا ہے۔

1962 میں امریکی فرسٹ لیڈی جیکولین کینیڈی نے پاکستان کا دورہ کیا۔ فوٹو: ریڈیو فری یورپ

جیکی کینیڈی کے دورہ پاکستان نے سیلبرٹی ڈپلومیسی اور پبلک ڈپلومیسی کو نئی جہت دی۔ ان کے استقبال کوعوامی بنایا گیا۔ یہ دورہ ذاتی اور پکنک نما تھا لیکن اس کے پیچھے سفارتی مقاصد تھے۔

جیکولین کراچی آئیں تو انہوں نے بھی گاڑی بان سے ملاقات کی اوراونٹ پر سواری کی فرمائش کر ڈالی۔ ایک سال پہلے امریکی صدر لنڈن جانسن بشیرساربان سے ملے تھے۔

جیکولین کراچی آئیں تو انہوں نے بھی اونٹ بان بشیر ساربان سے ملاقات کی اوراونٹ پر سواری کی فرمائش کر ڈالی۔ فوٹو: ریڈیو فری یورپ

جیکولین کینیڈی کی حفاظت پر مامور امریکی خفیہ ایجنٹ کلنٹ ہل نے اپنی کتاب ’میں اور مسز کینیڈی‘ میں ان کے پاکستان کے دورے، خاص طور پراونٹ پر سواری کا واقعہ تفصیل سے لکھا ہے۔

ان کے مطابق ’جیکی اور ان کی بہن کی طرف سے اچانک اونٹ کی سواری کی فرمائش پر پاکستانی حکام اور گاڑی بان بشیر پریشان ہو گئے تھے، پریشانی میں اس وجہ سے بھی اضافہ ہوگیا کہ دونوں مہمان خواتین گھٹنوں سے اوپر تک سکرٹ پہنے ہوئے تھیں جو اونٹ پر سواری کے لئے قطعی نامناسب تھا۔

 تاہم انہیں ایک رخ پربیٹھا کران کی فرمائش پوری کی گئی۔ اونٹ پر سواری کے دوران جیکی اپنے مخصوص سٹائل میں زورسے ہنس رہی تھیں۔ اس دوران دائیں بائیں پاکستانی افسران کھڑے تھے تاکہ کہ مہمان خواتین کو گرنے سے بچایا جا سکے۔

پاکستان امریکہ تعلقات جکولین کینیڈی صدر ایوب محمد علی بوگرہ خواجہ ناظم الد 

مخدوم خاندان کا عروج و زوال کی کہانی

1626 words

 سندھ کے مخدوم خاندان کے ساتھ کیا ہوا؟  

مخدوم خاندان کا عروج و زوال کی کہانی 

سہیل سانگی

ذوالفقار علی بھٹو نے ایک مرتبہ شام کی محفل میں اپنے  ایک قریبی دوست نواب احمد سلطان چانڈیو کا بتایا کہ وہ نئی پارٹی بنا رہے ہیں۔لاڑکانہ سے تعلق رکھنے والے سردار چانڈیو  نے انہیں مشورہ دیا کہ جب تک  بڑے گدی نشین اس میں نہیں ہونگے پارٹی نہیں چلے گی۔

 معلوم نہیں بھٹو نے نواب چانڈیو کے مشورے پر عمل کیا یا اپنے طور پرفیصلہ کیا۔انہوں نے سندھ میں ایک ایسی شخصیت کو ڈھونڈ نکالاجو گدی نشین بھی تھے، سیاست میں بھی تھے، جس کا سندھ بھر میں وسیع حلقہ احباب تھا اور وہ تھے مخدوم محمد زمان طالب المولیٰ۔ ان کے سندھ خواہ پنجاب کے گدی نشینوں خواہ وڈیروں سے بھی دوستانہ تعلقات روابط تھے۔

سیاست کے دشت  کے سفر میں درگاہ مخدوم سرور نوح کے 17 ویں سجادہ نشیں طالب المولیٰ صوبائی اورقومی اسمبلی کے کئی باررکن رہے‘کئی ادبی تنظیموں کی بنیاد رکھی‘ ادبی میگزین جاری کئے اورہالا میں ان دنوں پرنٹنگ پریس لگوایا جب پریس کی تنصیب آسان کام نہ تھی۔

تقسیم ہند کے بعد سندھی ادب اور زبان کو نقصان پہنچا جس کو پورا کرنے میں انہوں نے اپنا کردار ادا کیا۔ اور سند ھ کی ادبی اور ثقافتی انصاف کو زندہ رکھنے اور اجاگر کرنے میں اپنا کردار ادا کیا۔ طالب المولیٰ پیپلزپارٹی کے تادم وائیس چیئرمین اور سندھی ادبی بورڈ کے چیئرمین تھے۔ انہوں نے اپنے خاندان کو  یہ دونوں ادارے ورثے میں دیئے، ان کے بیٹے سعید الزماں اور پوتے مخدوم جمیل الزمان بورڈ کے چیئرمین رہے۔ 

پیپلزپارٹی کی قیادت کی اب چوتھی پیڑھی چل رہی ہے اور مخدوم خاندان کی تیسری۔ایک پورا دور رہا جب  ہالہ کامخدوم خاندان سندھ کی سیاست اور پیپلزپارٹی میں ناگزیر رھے۔

 سندھ کی سیاست میں تبدیلی کی ہوائیں ایسی چلیں کہ روایتی  سیاسی خاندان کی حیثیت کم ہو گئی اور مخدوم خاندان اپنے آبائی ضلع مٹیاری  ہالہ میں اپنی نشستیں بچانے تک محدود ہوگیا۔ لوگوں کو شکایات ہیں کہ کام نہیں ہوتے، پارٹی لیڈروں تک رسائی نہیں ہوتی، وہ مل نہیں پاتے۔ 

 اگرچہ  بھٹو اور پگارا  دو  مخالف انتہائیں تھی، لیکن پیر پگارا  علی مردان شاہ جب کراچی  اور آبائی گاؤپیر گوٹھ آتے جاتے ہالہ میں طالب المولیٰ کی چائے ضرور پیتے تھے۔ یہ روابط کا سلسلہ بعد میں بھی ا کدوم فیملی نے جاری رکھا۔

  ایک دوسرے کا گلا کاٹنے والی پاکستان کی سیاست میں  غدار ”بروٹس“  بہت مل جاتے ہیں۔ لیکن ایک وفادار”اینٹونی“ ہونا مشکل۔”سیزر“ (بھٹو)کو سزائے موت کے بعد بینظیر بھٹو کے انکل بشمول ممتاز بھٹو، عبدالحفیظ پیرزادہ، غلام مصطفیٰ جتوئی نے مصلحت اور سمجھوتے  کیے  اور راہیں الگ کرلیں لیکن ہالہ کے مخدوم  ضیاء الحق کے بدترین  دور میں بھی بھٹو کی بیٹی کے ساتھ چٹان کی طرح کھڑے رہے۔ دونوں بڑے مخدوموں کی طبع میں جوانکساراور عاجز تھے، انہوں نے وہ سیاست میں بھی روا رکھے۔

ایم آر ڈی کی تحریک ہو یا دیگر کٹھن سیاسی مرحلے ہالہ اور سروری جماعت نے ہمیشہ بھٹو فیملی اور پی پی کا ساتھ دیا۔ پیپلزپارٹی کی قیادت کی من موجوں اور مستیوں کے باوجود  اس خاندان نے پارٹی نہیں چھوڑی۔

  غلام مصطفیٰ جتوئی کا شمار سندھ کے بااثر جاگیرداروں میں ہوتا تھا ان کی پیپلزپارٹی میں موجودگی کی وجہ سے سندھ کے زمیندار اور جاگیردار پیپلزپارٹی میں اپنی نمائندگی سمجھتے تھے اور اس کے ساتھ جڑے رہتے تھے۔  یہ صورتحال ایم آرڈی کی تحریک کے بعد تبدیل ہوگئی۔  جب جتوئی نے سندھ کے لوگوں کی قیادت اپنے ہاتھوں میں لینے کی کوشش کی۔انہوں نے نیشنل پیپلزپارٹی کے نام سے الگ پارٹی بنائی۔ لیکن پیپلزپارٹی کی قیادت نے ان کے توڑ کے طور پر ہالہ کہ مخدوم فیملی کو آگے لے آئی۔ مخدوم خلیق الزمان پارٹی کو سندھ کا صدر مقرر ہوئے۔ مخدوم خلیق نے  مشکل دور میں سندھ بھر میں پارٹی کی تنظیم کاری کی۔

بھٹو کی پھانسی کے بعد ضیاء الحق سندھ میں اپنی حمایت کی تلاش میں نکلے، تو انہوں نے جی ایم سید اور مخدوم  طالب المولیٰ سے بھی ملاقات کی۔ چھوٹے مخدوموں کے اصرار کے باوجود  انہوں نے ضیاء کی حمایت نہیں کی۔ بلکہ ایک تاریخی جملہ کہا؛ کبھی بھول کر بھی پارٹی نہیں چھوڑنا۔ 

ضیاالحق کے غیر جماعتی انتخابات میں پنجاب خواہ سندھ سے کئی سرخیلوں نے حصہ لیا۔ پیپلزپارٹی نے بائیکاٹ کیالہٰذا مخدوم خاندان نے بھی نتخابات میں حصہ نہیں لیا۔

 دسمبردو ہزار تیرہ  میں بلدیاتی انتخابات کے موقع پر پارٹی کو محسوس ہوا کہ مسلم لیگ فنکشنل سرگرم ہو رہی ہے،پارٹی کو مخدوم خاندان کی ضرورت پڑی۔ زداری مخدوم امین فہیم کی دعوات پرہالہ گئے، جہاں مخدوم خاندان کے رہنماؤں سے ملاقات کی۔ زرداری نے مخدوم امین کے ذریعے خلیق کو پارٹی میں دوبارہ آنے کی دعوت دی۔ جو ایم آرڈی کی تحریک کے بعد انیس سو  اٹھاسی کے انتخابات کے بعداختلافات کی بناء پر پارٹی خواہ سیاست سے کنارہ کش ہو گئے تھے۔ دوسرے بھائی مخدوم رفیق الزماں جو مشرف دور میں بلدیاتی انتخابات میں ضلع ناظم حیدرآباد تھے، لیکن 2008 کے انتخابات میں صوبائی اسمبلی کا پارٹی ٹکٹ نہ ملنے کے بعد انہوں نے خود کو سیاست سے دور کر دیا تھا۔ خلیق الزمان اور رفیق الزمان  دونوں نے یہ پیشکش قبول کرلی۔ دو ہزار تیرہ کے اتخابات میں مخدوم خلیق الزمان پیپلزپارٹی کے امیدوار  کے طور پرجیتے۔

دو ہزار تیرہ کے انتخابات میں جب نواز لیگ جیت کر آئی تو پیپلزپارٹی نے امین فہیم کو وزیراعظم کا امیدوار نامزد کیا، وقت نے انہیں پھر لیڈر آف اپوزیشن بنا دیا۔

انہوں نے ایک انٹرویو میں میں ”اقتدار کا بھوکا نہیں اور سیاست میں تیز رفتاری سے نہیں چلتا۔“ 

 منجھے ہوئے پارلیمنٹرین امین فہیم آٹھ مرتبہ قومی اسمبلی کے رکن منتخب ہوئے ان کی سیاسی زندگی میں انتخابات کی کوئی ہار نہیں۔ اقتدار مسلسل ان کے دروازے پر دستک دیتا رہا۔ وزارت عظمیٰ اور وزارت اعلیٰ سندھ کی پیشکش ہوتی رہی، جنرل مشرف نے بھی انہیں وزارت عظمیٰ پیش کش کی۔ بینظیر  کے منع کرنے پر  یہ پیکش ٹھکرادی،  انہوں نے پارٹی اور اپنے مریدوں کو ترجیح دی۔

 2018  کے انتخابات  کے موقع پردرگاہوں کے گدی نشینوں کا اتحاد بنا۔ پیر پاگارا کی حر جماعت، ہالہ کے مخدوم کی سروری جماعت، ملتان کے شاہ محمود قریشی کی غوثیہ جماعت کے سربراہان کے رسمی اور غیر رسمی اجلاس بھی منعقد ہوئے۔اگریہ تینوں روحانی جماعتیں متحد ہو جاتیں توباقی چھوٹی موٹی درگاہوں کے گدی نشین بھی اس میں شامل ہو جاتے۔لیکن پیپلزپارٹی نے مخدوم خاندان کو منا کر اس کوشش کو ناکام بنادیا۔  انہیں مٹیاری کی تقریب تمام نشستیں دے دی گئیں۔ تین پشتوں سے پیپلزپارٹی کے ساتھ وفاداری کے ساتھ رہنے والے مخدوم کی اس بغاوت نے پارٹی میں یہ پیغام عام کیا کہ پارٹی پر دباؤ ڈالا جاسکتا ہے۔ اس کو جھکایا جاسکتا ہے۔

۔ پیپلزپارٹی کے ایک پرانے کارکن ذوالفقار قادری کا کہنا ہے کہ شہادت سے پہلے جب  وہ وطن لوٹیں، تو بلاول ہاؤس میں ان سے ہم نے پوچھا: بی بی مشرف نے آئین میں ترمیم کردی ہے، کوئی بھی شخص تیسری مرتبہ وزیراعظم نہیں بن سکتا،  ایسے میں کیا حکمت عملی ہے؟ انہوں نے فورا کہا کہ ہمارے پاس وزیراعظم ہے، مخدوم صاحب بیٹھے ہیں نا۔۔

دلچسپ بات بات ہے کہ بینظیر بھٹو کے وصیت نامے کی تصدیق و توثیق بھی امین فہیم سے کرائی گئی، اور فوری اعلان بھی یہی ہوا کہ  مخدوم وزیراعظم ہونگے۔  بعد میں مسلم لیگ نواز کے رہنما خواجہ آصف کے  بیان کہ ویزراعظم کا منصب پنجاب کو ملنا چاہئے۔ اور آصف علی زرداری نے بازی پلٹ دی۔ امین فہیم کے بجاے گیلانی کو وزیراعظم بنایا گیا۔

 ایک تجزیہ نگار نے کیا خوب کہا کہ  بینظیر کے بعد مخدوم امین فہیم کو  نہ کوئی سمجھنے والا تھا اور نہ سمجھانے والا۔ وہ اسٹبلشمنٹ سے قریب بھی تھے اور پارٹی اور اسٹبلشمنٹ کے درمیان پل بھی تھے۔ جس کے ذریعے مذاکرات کئے جاتے رہے اس کے علاوہ سیاسی جماعتوں کے قائدین کے پاس بھی وہ ایک معتبر اور معزز شخصیت سمجھے جاتے تھے، بعد کی صورتحال میں  آصف زرداری کو  مخدوم پر اعتماد نہ تھا، یا ان کی وہ ضرورت نہیں سمجھ رہے تھے۔

سید قائم علی شاہ کے وزارت اعلیٰ  کے دور میں تھر میں قحط سالی کی صورتحال یہاں تک جا پہنچی کہ سید قائم علی شاہ کو سندھ کے بااثر مخدوم خاندان کے دو افراد کو وزیر بحالیات مخدوم جمیل الزماں اور ڈی سی او تھر مخدوم عقیل الزماں کو معطل کرنا پڑا۔ اس سے پارٹی میں بحران پیدا ہو گیا۔ پارٹی کے وائیس چیئرمین مخدوم امین فہیم  تب بقید حیات تھے ان کو کھلے عام اپنی ناراضگی کا اعلان اور اظہار کرنا پڑا۔تب خود وزیراعلیٰ کو یہ بیان دینا پڑا کہ ان کی حکومت کے خلاف سازش ہو رہی ہے۔

  بعد میں جب امین فہیم نے پیر پگارا سے ملاقات کی تو آصف زرادری بیچ میں آئے، اور سید قائم علی شاہ مخدوم صاحب کے پاس پہنچ گئے اور یوں معافی تلافی ہوگئی۔ لیکن مخدوم خاندان کی یہ ناراضگی آج تک ختم نہیں ہو سکی ہے۔

 مخدوم  خاندان کو کابینہ سے باہر رکھا گیا، امین فہیم کے بیٹے اور بھائیوں کوپارٹی اور حکومتی عہدوں میں نظرانداز کیا گیا۔  

ہالا میں واقع مخدوم خاندان کی بیٹھک ”اٹھاس بنگلہ“ سندھ کی سیاسی، ثقافتی اور سماجی مرکز بھی رہی ہے، طالب المولٰ عام لوگوں، اپنے مریدوں اور خلیفوں سے براہ راست رابطہ اور میل میلاپ  رکھتے تھے ان کا یہ معمول تھا کہ وہ صبح کھلی کچہری لگاتے اور  شام گئے لوٹتے تھے۔  جس کسی کو بھی ملنا ہوتا تھا وہ اس بنگلے پر پہنچ جاتا تھا۔ ان کے بعد اس خاندان نے عوام تک رسائی کا یہ سلسلہ منقطع کردیا۔

یہ خاندان خود کو متحد و منظم بھی نہیں رکھ سکا اور اندرونی خلفشار کا شکار ہوگیا، سیاسی زوال کی ایک وجہ بنا صورتحال اس قدر سنگین ہوگئی کہ گزشتہ سال گدی نشین جمیل الزماں نے  طالب المولیٰ کی برسی کا پروگرام رکھا، تو اپنے چچا کو دعوت تک نہیں دی۔

وزیراعظم کا دورہ: سندھ حکومت نظر انداز

Nai Baat July 13, 2019

وزیراعظم کا دورہ:  سندھ حکومت نظر انداز

سندھ نامہ  سہیل سانگی

 وزیراعظم عمران خان تاجروں کے لئے کراچی آئے تھے، ان سے مل کر چلے گئے،تاجروں نے بھی ان کی  ایک بھی نہ مانی اور اب وہ نئے ٹیکس نظام کے خلاف ہڑتال کرنے جارہے ہیں۔ گورنر سندھ نے تاجروں کو دلاسہ دے کر  ہڑتال ملتوی کرائی ہوئی تھی۔  وزیراعظم نے صوبائی دارالحکومت میں قیام کے دوران رسمی طوربھی حکومت سندھ کے کسی نمائندے سے ملاقات نہیں کی۔وزیراعظم نے گورنر ہاؤس میں دس سے زائد اجلاس کئے۔حالانکہ کل اگر ہڑتال ہوتی ہے تو  امن  وامان  کے حوالے سے سندھ حکومت ذمہ دار ہوگی۔ اجلاسوں کے بعد جب صحافیوں نے ان اجلاسوں میں سندھ حکومت کی غیر موجودگی سے متعلق سوال پوچھا تو وزیراعظم بات گول کر گئے۔البتہ انہوں نے واضح کیا کہ سندھ میں گورنر راج کے بارے میں نہیں سوچا۔ گزشتہ دو ہفتوں سے ایم کیو ایم پاکستان خواہ پاک سرزمین پارٹی کراچی کے حوالے سے سرگرمی دکھا رہی تھیں، ان کو بھی نہیں پوچھا گیا۔ وزیراعظم کے دورہ کراچی  پر سوالات اٹھ رہے ہیں کہ ماضی میں وزیراعظم نے کراچی کے لئے جو اعلانات کئے تھے ان کا کیا ہوا؟  حکومت سندھ کا کہنا ہے کہ وزیراعظم کے پاس کراچی کو ینے کے لئے کچھ بھی نہیں ہے۔ عمران خان کو کراچی کے شہریوں نے ووٹ دیئے لیکن وہ صرف دورے کی رسمیں ادا کرنے آتے ہیں۔ جماعت اسلامی نے  شہری علاقے کو چنا ہے اورتاجروں کی حمایت کا اعلان کیا ہے، بلاول بھٹو زرداری سکھر شہر میں مہنگائی کے خلاف ریلی نکال رہے ہیں۔یہ دونوں جماعتوں کی مہم سے پتہ چلے گا کہ عام آدمی اپنے معاشی مسائل پر کس طرح سے ردعمل دیتا ہے۔ سیاست اور معیشت کا ایک دوسرے پر انحصار ہے لیکن جب یہ دونوں بحران کا شکار ہوں تو عوام پر کیا گزرے گی؟ لوگوں کو سمجھ میں نہیں آرہا کہ وہ پریشان سیاسی حالات پر ہوں یا معاشی حالات پر۔

سندھ کے اخبارات  میں یہ موضوع بھی زیر بحث رہا کہ خیرپور سے تعلق رکھنے والے پیپلزپارٹی کے ایم پی اے منور وسان اور ان کے گارڈوں نے بل منظور نہ کرنے پرمبینہ طور آڈٹ افیسر لوکل گورنمنٹ پر حملہ کیا جس پر بلدیاتی اداروں کے ملازموں نے ہڑتال کر دی تھی۔ بعد میں ڈپٹی کمشنر کی مداخلت پر ہڑتال ختم کردی گئی۔ یہ ایم پی اے پیپلزپارٹی سندھ کے سنیئر لیڈر منظور وسان کے قریبی رشتہ دار بتائے جاتے ہیں۔

 خبر ہے کہ سندھ  سے تعلق رکھنے والے اراکین اسمبلی اسلح کے شوقین نکلے۔ دو تین کو چھوڑ کر باقی سب حضرات حکمران جماعت  میں رہے ہیں اور انہی کسی نہ کسی طور پر  پولیس پروٹوکول حاصل رہا ہے۔تاہم وہ اپنے پاس جدید اسلح رکھنا ضروری سمجھتے ہیں۔ الیکشن کمیشن کے پاس جمع کرائے گئے اثاثوں کے مطابق پیپلزپارٹی کے شریک چیئرمین آصف علی زرادری کے پاس ایک کروڑ 66  لاکھ  روپے کی مالیت کا اسلح ہے۔ان کے پاس سب سے زیادہ اسلح بتایا جاتا ہے۔  سردار چانڈیو کے پاس ساٹھ لاکھ روپے، بلاول بھٹو زرداری کے پاس تیس لاکھ روپے شرجیل میمن کے پاس پچیس لاکھ روپے کا اسلح ہے۔ میر منور تالپور کے پاس تقریبا ساڑھے بارہ لاکھ روپے، بیگم فریال تالپور کے پاس پونے چودہ لاکھ  روپے،  غلام علی تالپور کے پاس پچیس لاکھ روپے،  فہمیدہ مرزا کے پاس  نو لاکھ، روپے، ذوالفقار مرزا کے پاس سولہ لاکھ روپے کا اسلح ہے الیکشن کمیشن کے اعداد وشمار کے مطابق  تقریبا تمام اراکین اسمبلی کے پاس اسلح ہے۔

 گھوٹکی،شکارپور اور بالائی سندھ کے دیگراضلاع میں اغوا برائے تاوان  کے واقعات جاری ہیں۔ان میں سے اکثر  تاوان کی ادائیگی اور مقامی اثر رسوخ کے ذریعے رہا ہو چکے ہیں تاہم ابھی تک نصف درجن افراد  ڈاکوؤں کے پاس یرغمال ہیں۔ اس اثناٗ میں سندھ پولیس نے بلیک بک جاری کی ہے۔ ”روزنامہ پنہنجی اخبار“ اداریے میں لکھتا ہے کہ چند ہفتے قبل سندھ پولیس نے  150 خطرناک مجرموں کی تصاویر سمیت تفصیلات سے متعلق  بلیک بوک چھپوا کر تھانوں پر کھ دی ہے۔ان جرائم پیشہ افراد کے سر کی قیمت دو لاکھ سے  چالیس لاکھ روپے تک مقرر کی گئی ہے۔ بلیک بک میں ہر جرائم پیشہ فرد کی ذاتی معلومات اور جرائم کا ریکارڈ شامل ہے۔ یہ اس لئے کیا گیا ہے تاکہ مختلف تھانوں کو پتہ چلے کہ کون کون ملزم مطلوب اور روپوش ملزم ہے،  سندھ پولیس کی یہ کوشش پرانے انگریز دور کی ذہنیت کا تسلسل لگتی ہے۔ جب جرائم پیشہ افراد کی تصاویر تھانوں پر لٹکادی جاتی تھی۔ اس بلیک بوک  میں ملزم کے قد،، عمر، بالوں کے رنگ،  تاریخ پیدائش سے متعلق تمام معلومات موجود ہے لیکن یہ نہیں بتایا گیا کہ آج کل وہ کہاں ہے؟  سندھی میں کہاوت ہے کہ پولیس کو سب پتہ ہے۔پولیس یہ بھی جانتی ہے کہ اس کی حد میں کون کون جرائم پیشہ ہے؟  وہ کن جرائم میں ملوث ہے؟ اس کا طریقہ واردات کیا ہے۔ اور کہاں ہوتا ہے؟  تھانیدار کو یہ بھی پتہ ہوتا ہے کس جرائم پیشہ  فردکے پیچھے کون سی بااثر شخصیت ہے؟  عام طور پر پولیس کی ان جرائم پیشہ افراد کے ساتھ ایک مفاہمت ہوتی ہے کہ وہ  بھلے اس کی حدود  میں رہیں، لیکن جرم کسی اور حدود میں کریں۔ نتیجے میں لوگ اغوا ہوتے ہیں اور بعد میں تاوان ادا کر کے رہائی پاتے ہیں۔ اصل میں پولیس میں کالی بھیڑیں موجود ہیں، جس کی وجہ سے مجرموں کے خلاف نہ کامیاب آپریشن ہو پاتا ہے اور نہ ہی کامیاب کارروائی۔

 سندھ میں اب بچوں کے خلاف جرائم کی خبریں آرہی ہیں۔ تین روز قبل شکارپور سے لاپتہ ہونے والے تین اسکولی طالب علم فیصل آباد سے برآمد ہوئے ہیں۔ حیدرآباد میں دو چھوتے بہن بھائیوں کو مبینہ طور پر اغوا کیا گیا۔ لڑکا شدید زخمی حالت میں بازیاب ہوا، لیکن بعد میں زخموں کی تاب نہ  لا کر فوت ہو گیا۔اب مغویہ بچی کی لاش ملی ہے جسے جنسی ہوس کا نشانہ بنانے کے بعد قتل کردیا گیا تھا۔ روزنامہ کاوش کے مطابق نو دیرو  میں ایچ آئی وی کے  906 پازیٹو کیس کی تصدیق ہوگئی ہے۔ اکثر رشتہ داروں نے ان متاثرہ افراد سے  تعلق ختم کردیا ہے۔ ان سماجی رویوں کی وجہ سے  متاثرہ افراد پریشان ہیں۔حکومت کی جانب سے مریضوں کو ادویات اور دیگر سہولیات نہ مل سکیں۔ تاحال ان متاثرہ افراد کی بحالی اور علاج کے لئے اعلان کردہ مراکز نے بھی کام شروع نہیں کیا ہے۔