جب احتجاج کی ریہرسل کرتے ہجوم پارلیمنٹ پہنچ گیا

جب احتجاج کی ریہرسل کرتے کرتے ہجوم پارلیمنٹ پہنچ گیا

 27 اکتوبر ، 2019

 سہیل سانگی -کراچی

مولانا فضل الرحمان کا مارچ جماعت اسلامی کے مارچ کی یاد دلاتا ہے۔ فوٹو: گیٹی امیجز

   

وفاقی دارالحکومت اسلام آباد میں دھرنا پہلی مرتبہ آج کی تاریخ پر 1996 میں ہوا تھا۔ یہ دھرنا جماعت اسلامی نے محترمہ بینظیر بھٹو کی حکومت کے خلاف کیا تھا۔ ایک ہفتے بعد یعنی چار نومبر کو صدر فاروق لغاری نے بینظیر کی حکومت کو برطرف کر دیا۔

تحریک انصاف کے سربراہ کو چھوڑ کر باقی اسلام آباد میں جتنے بھی دھرنے لگے وہ مذہبی جماعتوں نے لگائے۔ اس فہرست میں جماعت اسلامی کے علاوہ علامہ طاہر القادری اور مولانا خادم رضوی بھی شامل ہیں۔

آج 27 اکتوبر کو جمیعت علمائے اسلام (ف) نے کراچی سے اسلام آباد کے لیے آزادی مارچ شروع کیا ہے جس کو اب ’کشمیر مارچ ‘کا نام دیا جا رہا ہے۔

جس طرح جماعت اسلامی صدر فاروق لغاری سے بینظیر بھٹو کی حکومت کی برطرفی کا مطالبہ کر رہی تھی اسی طرح مولانا فضل الرحمان وزیراعظم عمران خان کو ہٹانے کا مطالبہ کر رہے ہیں۔

فاروق لغاری کے پاس آٹھویں ترمیم کے تحت منتخب حکومت کو برطرف کرنے کا اختیار تھا لیکن نواز شریف دور میں کی گئی آئینی ترمیم کے بعد یہ اختیار صدرکے پاس نہیں رہا۔

جماعت اسلامی کے سربراہ قاضی حسین احمد نے جولائی 1996 میں اسلام آباد میں پارلیمنٹ ہاؤس تک مارچ کا اعلان کیا تھا۔ عجیب اتفاق ہے کہ مولانا فضل الرحمان نے بھی جولائی میں یہ اعلان کیا اور مارچ کے آغاز کی تاریخ 27 اکتوبر ہی رکھی۔ اس مارچ نے جماعت اسلامی کے دھرنا مارچ کی یاد دلا دی ہے۔

دھرنے کی قیادت قاضی حسین احمد نے کی تھی۔ فوٹو: اے ایف پی

جماعت اسلامی کے دھرنا مارچ سے کیسے نمٹا گیا؟

یہ دلچسپ بھی ہے اور تاریخ کا حصہ بھی۔ لاہور ہائی کورٹ نے جماعت اسلامی کو دھرنا لگانے کی اجازت دی تھی اور کہا تھا کہ دھرنا پرامن ہوگا۔

جماعت اسلامی کے دھرنا مارچ سے ایک روز قبل منی بجٹ کے خلاف اپوزیشن کی کال پر ملک بھر میں پہیہ جام ہڑتال ہوئی۔

26 اور 27 اکتوبر کو اسلام آباد میں دھرنے والوں کے داخلے پر غیر اعلانیہ پابندی تھی، پولیس اور خفیہ والے پنڈی سے اسلام آباد آنے والی ویگنوں سے انہیں اتار رہے تھے۔

علاوہ ازیں لاہور سے راولپنڈی جانے والی ٹرینوں کو روک کر تلاشی لی جاتی رہی اور شناختی کارڈ چیک کیے گئے۔ جماعت اسلامی کے کارکنوں کو ٹرینوں سے اتارنے کے بعد اعلان کیا گیا کہ آگے کوئی گاڑی نہیں جائے گی۔

سخت انتظامات، لاٹھی چارج اور زبردست آنسو گیس کی وجہ سے دھرنا مارچ پہلے روز اسلام آباد میں داخل نہ ہو سکا۔ دھرنے کی قیادت قاضی حسین احمد نے کی جبکہ پروفیسر غفور احمد اور مولانا نورانی ٹرک پر موجود تھے۔

راولپنڈی میدان جنگ بنا رہا۔ کارکنوں اور پولیس کے درمیان جھڑپیں 12 بجے شروع ہوئیں جو شام چھ بجے تک جاری رہیں۔ موبائل فون اور پیجر سروس بند کر دی گئی۔ پولیس نے لاٹھی چارج کیا تو جواباً کارکنوں نے پتھراؤ کیا۔ دھرنے کے موقعے پر اور اس سے قبل کچھ گرفتاریاں بھی ہوئیں۔

مارچ کے ایک ہفتے بعد بینظیر حکومت کو صدر نے برطرف کر دیا۔ فوٹو: اے ایف پی

جماعتی کارکنوں نے پولیس اہلکاروں کو پکڑ کر انہیں شدید زدو کوب کیا۔ اسلام آباد میں آبپارہ، میلوڈی اور نیول ہیڈ کوارٹر کے پاس مظاہرے کیے، مظاہرین نے لال مسجد کے پاس چیک پوسٹ کو نذر آتش کر دیا۔

اس وقت کے وزیر داخلہ ریٹائرڈ جنرل نصیر اللہ بابر نے کہا کہ کورٹ کے فیصلے کے مطابق مارچ جب تک پرامن تھا، جانے دیا گیا جب انہوں نے حدود سے تجاوز کیا تو شیلنگ کی، مولانا نورانی اور اعجاز الحق آنسو گیس کے عادی نہیں لہٰذا بیہوش ہوگئے۔

یہ صورتحال بھی بنی کہ قاضی حسین احمد جس ٹرک پر سوار تھے پولیس اس ٹرک کے ٹائروں کی ہوا نکال کر لاؤڈ سپیکر اپنے ساتھ لے گئی۔ پولیس کی شیلنگ کی وجہ سے کارکن قاضی حسین احمد کو اکیلا چھوڑ گئے۔  

پہلے روز احتجاج کرنے والوں کو کامیابی نہیں ہوئی لیکن دوسرے روز دھرنا مارچ کامیاب ہوا۔ کارکن پارلیمنٹ ہاؤس پہنچ گئے۔ کہا جاتا ہے کہ رات کو ہی سینکڑوں کارکن مارگلہ کی پہاڑیوں پر چلے گئے تھے جو صبح کو نیچے اتر آئے اور پارلیمنٹ ہاؤس تک پہنچ گئے۔

پولیس نے اسلام آباد میں ایک ہزار اور راولپنڈی میں 15 سو آنسو گیس کے شیل برسائے۔

قاضی حسین احمد، پروفیسر غفور احمد، پروفیسر خورشید احمد، نعمت اللہ خان کو گرفتار کرلیا گیا لیکن دو گھنٹے کے بعد انہیں رہا کر دیا گیا۔

مولانا فضل الرحمان کا مطالبہ بھی وہی ہے جو جماعت اسلامی کا تھا۔ فوٹو: اے ایف پی

مارچ کے ایک ہفتے بعد بینظیر حکومت کو صدر نے برطرف کر دیا، لہٰذا مخالفین کی جانب سے جماعت اسلامی پر یہ الزام آیا کہ اس نے صدر فاروق لغاری کی ایماء پر یہ احتجاج کیا اور دوسرے روز پارلیمنٹ تک احتجاجیوں کے پہنچنے کے لیے ہدایات دیں۔

احتجاجیوں کو پارلیمنٹ ہاؤس میں داخل ہونے سے روکنے کے لیے پوری ریہرسل کی گئی تھی کہ کس طرح سے مظاہرین آگے بڑھیں گے؟ پولیس کس طرح کارروائی کرے گی؟ اس مقصد کے لیے پولیس کو دو حصوں میں تقسیم کر کے ایک حصے کو مظاہرین بنایا گیا۔

ریہرسل میں لاٹھی چارج، پتھراؤ اور شیلنگ بھی کی گئی جس میں کئی پولیس اہلکار زخمی بھی ہوئے۔ ریہرسل میں بھی احتجاجی ہجوم پارلیمنٹ پہنچ گیا اور بعد میں دوسرے روز اصل 

احتجاجی بھی پارلیمنٹ ہاؤس پہنچ گئے تھے۔

https://www.urdunews.com/node/440201

حڪومت احتجاجي مارچ جي مشروط اجازت ڇو ڏني؟:

حڪومت احتجاجي مارچ جي مشروط اجازت ڇو ڏني؟

حڪومت احتجاجي مارچ جي مشروط اجازت ڇو ڏني؟

Posted on October 24, 2019 (1:30 pm)

وزيراعظم عمران خان کان اهڙي رويي جي اميد نه ڪئي پئي وئي پر حڪومت مخالف ڌر کي احتجاج جي اجازت ڏيئي بظاهر جمهوري هجڻ جو ته ڏيکاءَ ڏنو آهي. ان فيصلي کي ايئن به ورتو پيو وڃي ته حڪومت مولانا کي اٿندي ئي وجهه نه ڏنو ته هو ان جو پاڻي ڪڇي، ڄڻ بال واپس مولانا جي ڪورٽ ۾ اڇليو آهي ته هاڻ پرامن احتجاج ڪري ڏيکار.
اصل ۾ معاملو گهڻو تپي ويو هو. هڪ پاسي نواز شريف پنهنجي پارٽيءَ کي مڪمل طور احتجاج جو ساٿ ڏيڻ جون هدايتون ڏيئي ڇڏيون هيون ۽ ان جو اظهار پارٽي جي صدر شهباز شريف کان ڪرائي مونجهارا دور ڪري ڇڏيا ته اسلام آباد لاڪ ڊائون جي باري ۾ پارٽي اندر ڪي ٻه رايا آهن. جي يو آءِ ۽ نواز شريف وٽ هونئن ته وڃائڻ لاءِ ڪجهه ڪونه هو، جيڪي به ٿئي ها ان ۾ کين فائدو پئي پهتو. ٻئي طرف پيپلزپارٽي ڪجهه هٻڪ جو شڪار رهي، ڇاڪاڻ جو سنڌ حڪومت داءَ تي لڳي ٿي سگهي. ان ڪري بلاول ڀٽو اخلاقي ۽ سياسي حمايت جي اعلان سان گڏ ڪراچي کان ڪشمور تائين الڳ ڌرڻي جو اعلان ڪيو. مطلب ته پيپلزپارٽي سنڌ ۾ الڳ موبلائيزيشن ڪري. جيڪڏهن مولانا جو احتجاج ڪاميابي ڏانهن وڃي ٿو ته پيپلزپارٽي جي انتظام هيٺ ٿيندڙ احتجاج کي مولانا فضل الرحمان جي احتجاج سان ملائي سگهجي ٿو. ٽيون فيڪٽر واپارين جو هو جيڪي مولانا جو ساٿ ڏيڻ لاءِ تيار پئي ٿيا. اهي ڳالهيون پنهنجي جاءِ تي، ڪن تجزيه نگارن جو خيال آهي ته مولانا فضل الرحمان جو بيس خيبرپختونخواهه آهي، اتان جي وزيراعليٰ جڏهن بيان ڏنو ته صوبي ۾ ڪنهن کي چُرڻ به نه ڏينداسين ته موٽ ۾ پشاور ۾ صوبائي سطح جي ڪل پارٽي گڏجاڻي ۾ فيصلو ڪيو ويو ته جيڪڏهن احتجاج کي روڪيو ويو ته پختون روايتن موجب جواب ڏينداسين. مولانا فضل الرحمان جا لفظ اڃان به چٽا هئا ته جيڪڏهن ڏاڍمڙسي ڪئي وئي ته پوءِ اسين انهن کي گهرن تي وڃي پڄي وٺنداسين. ڳالهه ڳري ٿي وئي. اهڙو بيان مولانا فضل الرحمان ئي افورڊ ڪري سگهي ٿو، جنهن جي صوبي کي فيصلو ڪندڙ ادارن ۾ اهميت حاصل آهي. ورنه سنڌ واري رئيس جڏهن “اينٽ سي اينٽ بجادين گي” جي ڳالهه ڪئي ته پوءِ ڏيڍ سال تائين ملڪ کان ٻاهر ويٺو هو، تان جو ڌرتي وڃي ٺري ۽ پوءِ هو آيو.
چيو پيو وڃي ته ڳالهيون ڪرڻ ۽ احتجاج جي اجازت ڏيڻ وارو تحرڪ به خيبرپختونخواهه مان آيو. اها ڳالهه صوبي جي اڳوڻي وڏي وزير پرويز خٽڪ جي چوڻ تي شروع ڪئي وئي، جيڪو اڄڪلهه بچاءَ وارو وزير به آهي. جيڪڏهن جي يو آءِ ۽ حڪومت ٻئي ضد ڪري بيهي رهن ها ته پختونن جي صوبي ۾ اهي ڌريون پاڻ ۾ اٽڪي پون ها، جنهن جو نتيجو ڪجهه به نڪري پيو سگهي. سو هن نموني جي مشروط اجازت ڏيئي دراصل پختونن جي ٻن ڌرين کي هڪ ٻئي کان وڙهڻ کان روڪيو ويو.
جهڙي نموني سڄي ملڪ ۾ مولانا فضل الرحمان جو ڌرڻو پئي بيٺو، جنهن جي حمايت اپوزيشن ۽ واپاري ڪري رهيا هئا ته ان سان مدرسن جي به شامل ٿيڻ جو انديشو هو. جيڪڏهن ايئن ضد موجود رهي ها ته اهو عنصر مولانا کي ئي فائدو ڏئي رهيو هو. چئن مهينن کان احتجاج، لاڪ ڊائون، ڌرڻو ڪري ڪري جيڪا ڦوڪڻي ۾ هوا ڀرجي ويئي هئي، سا حڪومت پنهنجي پر ۾ اهو چئي خالي ڪرڻ جي ڪوشش ڪئي ته “چلو توهان ڌرڻو هڻو، ان سان ڪو فرق نه پوندو.” حڪومت سمجهي ٿي ته ايئن ڪرڻ سان مولانا جي تحريڪ جو ٽيمپو ٽُٽي ويندو. ساڳئي وقت حڪومت ملڪ اندر ماڻهن توڙي ادارن ۽ بين الاقوامي سطح تي به اهو پيغام ڏيئي سگهندي ته اسين ڳالهيون ڪرڻ لاءِ تيار آهيون پر هو احتجاج ڪرڻ گهرن ٿا ته کين احتجاج جو حق ڏيون ٿا. پر هر ڪو ڄاڻي ٿو ته حڪومت پنهنجي رويي ۽ عمل ۾ اهڙي جمهوري ڪونهي جو ايئن احتجاج جو حق ڏيئي ڇڏي. جيڪا حڪومت چونڊيل جمهوري اداري پارليامينٽ کي کنگهڻ لاءِ تيار ناهي سا ڳالهين جي آڇ توڙي احتجاج جو حق ايئن ڏئي، سو وزيراعظم جو فيصلو نٿو لڳي. حڪومت ڳالهين جي آڇ ڪئي، رابطا به ڪيا پر ڳالهيون شروع نه پيون ٿين ڇاڪاڻ جو مولانا فضل الرحمان ڳالهين کي وزيراعظم جي استعيفيٰ سان مشروط ڪري ڇڏيو هو. رهبر ڪميٽي کي ان لاءِ وچ ۾ آندو ويو ته ڪو وچ وارو رستو نڪري سو ڳالهين لاءِ هڪ ڏاڪو مٿي اچڻ لاءِ اڻ سڌي طرح رهبر ڪميٽي کي هڪ ڏاڪو هيٺ اچڻو پيو ته “احتجاج ڪرڻ ڏيو، ڳالهيون ڪريون ٿا.” ايئن اپوزيشن جي عزت رهجي ويئي ۽ حڪومت جو به ڪم ٿي ويو.
حڪومت اصل ۾ مولانا فضل الرحمان کي انگيج رکڻ چاهي ٿي. ڳالهين ۾ مصروف رکڻ گهري ٿي. سڀني کي اهو تاثر ڏيڻ جي ڪوشش ڪري رهي آهي ته “ڏسو لڳا پيا آهيون. هروڀرو معاملي مان هٿ نه ڪڍيا آهن.” پر مولانا به ڏاهو ماڻهو آهي. انهن اٽڪلن کان آگاهه آهي، هو حڪومت جي انگيج رکڻ ۽ ٽيمپو ٽوڙڻ واري حڪمت عملي ۾ نه ايندو. ڳالهين جي اعلان ۽ حڪومت جي ٺهڻ بعد گذريل ٽن ڏينهن دوران هن اڳ ڏنل پلان “بي” ۽ “سي” کان هٽي هن نئين صورتحال تي به ڪجهه پلان ٺاهيو آهي، جيڪو اڃان واضح نه پيو ڪري. دراصل حڪومت کي موجوده حالتن ۾ ڪجهه وقت کپي. مولانا کي به سمجهايو ويو آهي ته ايترو جلدي جيڪڏهن عمران خان جي حڪومت ڊهي به پئي ته هو “سياسي شهيد” ٿي ويندو ۽ ايندڙ وقت ۾ سمورين سياسي توڙي غير سياسي ڌرين کي ڳچي ۾ پئجي ويندو. سو في الحال احتجاج ڪري داٻا ڏيئي ڇڏيو ۽ ٽن چئن مهينن جي ڌمڪي ڏيئي موٽي اچو. خيال آهي ته ايئن ئي ٿيڻ وارو آهي.

’بیگم نصرت بھٹو کی چھاپہ مار کارروائی‘ 

https://www.urdunews.com/node/439421

’بیگم نصرت بھٹو کی چھاپہ مار کارروائی‘

 23 اکتوبر ، 2019

 سہیل سانگی -کراچی

بیگم بھٹو نے ضیاءالحق کے خلاف تحریک بحالی جمہوریت کے نام سے اتحاد بنایا، فوٹو: اے ایف پی

   

'پھولوں بھرے معاشرے کو بنجر بنانا سیاست نہیں۔ سیاست زندگی کی روح ہے۔ یہ عوام سے میرا لافانی رومانس ہے۔ یہ لافانی بندھن عوام ہی توڑ سکتے ہیں۔' یہ ذوالفقار علی بھٹو نے جنرل ضیاء کو ایک خط میں لکھا تھا۔ شاید وہ یہ بات بہت پہلے بیگم بھٹو کو بتا چکے تھے، اور وہ اس عوام سے لافانی رومانس پر آخر دم تک قائم رہیں۔

جمہوریت کی علامت اور بہادری سے جنرل ضیاء الحق کی آمریت کی مزاحمت کرنے والی اس خاتون کو بچھڑے آج آٹھ سال ہو گئے۔ یاد رہے کہ نصرت بھٹو کا 23 اکتوبر 2011 کو دبئی میں انتقال ہوا تھا۔ 

نصرت خانم کے والد کا تعلق ایرانی کرد خاندان سے تھا، وہ کاروباری شخصیت تھے، اور برطانوی دور میں کراچی میں آ کر آباد ہوئے۔ پچاس کے عشرے کے اوائل میں ایرانی نسل کی خوب صورت خاتون نصرت خانم بھٹو سے ملیں تو پہلی ہی نظر میں پیار ہو گیا۔ دونوں کی شادی ہوئی، اور یہ محبت بھٹو کی پھانسی تک اور خود نصرت کے جیتے جی قائم رہی۔ یہ بھٹو کی دوسری شادی تھی۔

بیگم نصرت، بھٹو کی دوسری اہلیہ تھیں اور ان سے بھٹو کے چار بچے تھے، فوٹو: اے ایف پی

اس شادی نے بھٹو کی زندگی کو نیا موڑ دیا۔ مصروف اور متحرک وزیر خارجہ کی بیگم، چار بچے، انہوں نے اکثر بھٹو کے ساتھ بیرون ملک سفر کیا۔ چار بچوں کی پرورش، تربیت اور تعلیم کی ذمہ داری خوش اسلوبی سے نبھائی، اور شوہر کا سیاسی امور میں ساتھ دیا۔

بھٹو نے جب معاہدہ تاشقند کے خلاف احتجاج کرتے ہوئے ایوب کابینہ سے استعفیٰ دیا اور پاکستان پیپلز پارٹی بنائی تو نصرت بھٹو کی ذمہ داریوں میں مزید اضافہ ہو گیا۔

لیکن نصرت بھٹو کا اصل امتحان تب شروع ہوا جب ضیاء الحق نے شب خون مارا، ان کے شوہر کی منتخب حکومت کا تختہ الٹا اور ملک میں مارشل لا نافذ کرکے بھٹو کو گرفتار کر لیا۔

 بیگم بھٹو نے لوگوں کی قیادت اور جمہوری چراغ کو روشن رکھا۔ انہیں جمہوریت کے ساتھ ساتھ اپنے شوہر کی زندگی کے لیے بھی لڑائی لڑنا پڑی۔

بیگم نصرت بھٹو دو قومی مرتبہ قومی اسمبلی کی رکن منتخب ہوئیں، فوٹو: اے ایف پی

ذوالفقار علی بھٹو کو سنہ 1979 میں ہی اندازہ ہو گیا تھا کہ جنرل ضیاء نے اقتدار کو طول دینے کی ٹھان لی ہے۔ لہٰذا انہوں نے 13 ستمبر کو بیگم نصرت بھٹو کو آخری خط لکھا، اور انہیں کل مختار بناتے ہوئے پارٹی چلانے کی ذمہ داری سونپ دی۔

 اس ہدایت نامہ نما خط میں جنرل ضیاء کی جانب سے پارٹی میں پھوٹ ڈالنے کوششوں کا ذکر کرتے ہوئے بیگم نصرت کو انہوں نے ہدایت کی کہ 'پارٹی کی مجلس عاملہ میں کوئی مسئلہ ہو حل کریں، انہیں میری طرف سے اختیار اور حمایت حاصل ہے اور وہ قائم مقام چیئرپرسن ہیں۔'

بیگم نصرت بھٹو سمجھتی تھیں کہ بھٹو  نے جس سیاست کو عوام سے لافانی رشتہ اور رومانس کہا تھا وہ مسلسل جدوجہد اور قربانیوں کا راستہ ہے۔

سانحے مسلسل ان کا پیچھا کرتے رہے۔ان کی اولاد میں سے صرف صنم بھٹو سیاست سے فرار حاصل کرنے کی وجہ سے زندہ ہیں۔ شوہر کو پھانسی دی گئی، دو بیٹے مارے گئے۔ بیٹی متعدد بار گرفتار ہوئیں۔ بیٹی کا قتل ہوا تو وہ اس حالت میں نہیں تھیں کہ کچھ سن سکیں۔

ذوالفقار علی بھٹو جیل گئے تو پارٹی کی باگ ڈور بیگم نصرت بھٹو کو سونپ دی، فوٹو: اے ایف پی

انہوں نے پاکستانی ریاست کے ہر جبر کا جرات مندی سے مقابلہ کیا۔ شوہر کی حکومت سے برطرفی، ان کی گرفتاری، مقدمہ قتل، گھر ہوتے ہوئے بے گھر رہیں، جلاوطنی، شوہر کو سزائے موت اور رات کے اندھیرے میں ان کی تدفین تک سب کچھ برداشت کیا۔

بھٹو کی سزائے موت پر عمل کے بعد بیگم نصرت پارٹی کی چیئرپرسن نامزد ہو گئیں۔ مارشل لا کے خلاف علم بغاوت بلند رکھنے کی پاداش میں انہیں متعدد بار گرفتار کیا گیا، اور قذافی سٹیڈیم لاہور میں ان پر لاٹھیاں برسائی گئیں، ان کے سر پر چوٹیں آئیں اور 12 ٹانکے لگے۔  

بیگم بھٹو نے پارٹی کو کئی بحرانوں سے نکالا اور مختلف حلقوں سے گروہ بندی کی کوششوں کو ناکام بنایا۔ اکتوبر 1979 کے بلدیاتی انتخابات میں ایوب خان کی تحریک میں پارٹی سے سیاسی وفاداریاں برقرار رکھنے والوں کو ٹکٹ دیے۔ وہ لوگوں کو یہ تاثر دینے میں کامیاب ہو گئیں کہ بھٹو کی پارٹی دوبارہ اقتدار میں آ جائے گی۔

مرتضیٰ بھٹو کی موت نے نصرت بھٹو کی زندگی پر تباہ کن اثرات مرتب کیے، فوٹو: اے ایف پی

جنرل ضیا کا خیال تھا کہ بھٹو کے بعد ان کی پارٹی ٹوٹ جائے گی۔ ضیا نے نہایت ہی پیچیدہ انتخابی قواعد بنائے تاکہ کسی طرح سے پیپلز پارٹی کو آؤٹ کیا جا سکے۔ پیپلزپارٹی نے ان انتخابات میں 'عوام دوست' نام سے امیدوار کھڑے کیے۔

بلدیاتی انتخابات نے حکومت کو سمجھا دیا کہ پیپلز پارٹی عام انتخابات کی صورت میں جیت جائے گی، لہٰذا ضیاء نے غیر معینہ مدت تک عام انتخابات ملتوی کر دیے۔

ضیاء کو خفیہ رپورٹس ملی تھیں کہ صرف بھٹو خواتین ہی عوام کو سڑکوں پر لا سکتی ہیں، لہٰذا انہوں نے گرفتاریوں، سفری پابندیوں اور دیگر بندشوں کے ذریعے ماں بیٹی کو باز رکھنے کی کوشش کی۔

بے نظیر بھٹو نے اپنی والدہ کی ایک چھاپہ مار کارروائی کا ذکر کیا تھا کہ وہ کس طرح برقع پہن کر دادی اماں کے روپ میں ایک بچے کو ساتھ لیے چھپ کر بذریعہ ریل لاہور میں ایم آر ڈی کے اجلاس میں شرکت کے لیے پہنچیں۔

نصرت بھٹو اور صنم بھٹو کی بے نظیر بھٹو اور آصف زرداری کی شادی کے موقع پر تصویر: فوٹو: گیٹی امیجز

نصرت بھٹو کو اپنی بیماری کے بیرون ملک علاج کے لیے 83 روز تک جنگ لڑنا پڑی۔ اس کے لیے عالمی رہنماؤں نے بھی ضیاء پر دباؤ ڈالا۔ انڈین وزیراعظم اندرا گاندھی نے بھی ان کے علاج کے لیے ضیاءالحق کو خط لکھا۔  

ایک انٹرویو میں نصرت بھٹو نے بتایا کہ 'ساڑھے پانچ سال کے عرصے میں وہ چار سال جیل یا گھر میں نظربند رہیں۔‘

مارچ 1981 میں انہیں سی کلاس میں اور عام خواتین قیدیوں کی طرح  رکھا جاتا تھا۔

گھر میں ان کی نظر بندی بھی قید تنہائی کی طرح تھی۔

ان کا کہنا تھا کہ’ 70 کلفٹن پر بھی وہ اپنے جیل کے تالے استعمال کرتے تھے، اور ہم سے کسی کو ملنے کی اجازت نہیں ہوتی تھی۔ ٹیلی فون ٹیپ کیے جاتے تھے اور ملنے والوں پر بھی نظر رکھی جاتی تھی۔'

بے نظیر بھٹو کی زچگی کے دوران نصرت بھٹو قائم مقام وزیراعظم بھی رہیں، فوٹو: اے ایف پی

بیگم بھٹو نہایت باہمت خاتون تھیں۔ بے نظیر بھٹو نے سہالہ گیسٹ ہاؤس راول پنڈی میں پانچ اپریل 1979 کا واقعہ لکھا ہے: امی نے سوپ دیتے ہوئے کہا کہ 'پنکی تمہیں کچھ کھانا چاہیے۔ تم کو پوری توانائی چاہیے، جب ہم یہاں سے رہا ہوں گے تو ہمیں الیکشنز کی تیاری کرنی ہے۔ اگر تمہیں اپنے والد کے اصولوں کے لیے لڑنا ہے تو اس طرح سے لڑو جس طرح وہ لڑتے تھے۔ پھر کچھ کھا لو، لازماً کچھ لو۔'

یہ ان کا دوسرا بڑا سیاسی کارنامہ تھا کہ وہ ضیاء الحق کے خلاف مختلف الخیال پارٹیوں کو ایک پلیٹ فارم پر لے آئیں اور تحریک بحالی جمہوریت کے نام سے اتحاد بنایا۔ انہیں اس مقصد کے لیے ان رہنماؤں کے ساتھ بھی بیٹھنا پڑا جنہوں نے ان کے شوہر کے خلاف ضیا کا ساتھ دیا۔ ان کا اجتماعی جدوجہد پر یقین تھا۔

سردار شیر باز مزاری اپنی سوانح حیات میں لکھتے ہیں کہ ’جب 70 کلفٹن پر ایم آر ڈی کا پہلا اجلاس ہو رہا تھا، تو اچانک کمرے میں بے نظیر بھٹو داخل ہوئیں اور بہت غصے میں بولیں کہ ہم ان لوگوں کے ساتھ کیسے بیٹھ سکتے ہیں جن کے ہاتھ میرے والد کے خون سے رنگے ہوئے ہوں۔‘

وزیر خارجہ بھٹو اور بیگم بھٹو کی چینی وزیراعظم چو این لائی کے ساتھ ملاقات کی تصویر: فوٹو: سوشل میڈیا

 بیگم بھٹو کے سمجھانے پر وہ چلی گئیں۔ کچھ دیر تک سناٹا چھا گیا۔ نواب زادہ نصراللہ نے برف کو توڑنے کے لیے بھٹو کی تعزیت کے لیے ہاتھ اٹھائے اور اجلاس ملتوی کر دیا گیا۔ شام کو یہ اجلاس شیر باز مزاری کے گھر پر ہوا۔

تمام جوڑ توڑ اور ساز باز کے باوجود پیپلز پارٹی نے سنہ 1988 کے انتخابات جیتے، مقتدر حلقے انہیں اقتدار دینے پر مجبور ہو گئے۔ ںصرت بھٹو دو مرتبہ قومی اسمبلی کی رکن منتخب ہوئیں اور ایک مرتبہ سینیئر وزیر رہیں، جب بے نظیر بھٹو زچگی کی چھٹیوں پر تھیں تو وہ قائم مقام وزیراعظم بھی رہیں۔

جب مرتضیٰ بھٹو اور بے نظیر بھٹو کے درمیان اختلافات ہوئے تو بیگم بھٹو نے مرتضیٰ کا ساتھ دیا۔ بعد میں ان ہی کی کوششوں سے بہن بھائی کی ملاقات بھی ہوئی۔  

بے درد سیاست کی دنیا میں نصرت نے کئی اتار چڑھاؤ دیکھے۔ جواں سال بیٹے شاہنواز کی پراسرار حالات میں موت اور چند برس بعد بڑے بیٹے مرتضیٰ بھٹو کی ہلاکت نے ان کی صحت پر تباہ کن اثرات چھوڑے۔

بیگم نصرت بھٹو کی بے نظیر بھٹو اور مرتضیٰ بھٹو کے ساتھ یادگار تصویر: فوٹو: فلکر

وہ سیاست میں لڑاکو کردار کے طور پر پہچانی جائیں گی۔ انہوں نے بے رسا لوگوں کے حقوق کے لیے سڑکوں پر اور عدالتوں میں لڑائیاں لڑیں۔

انہوں نے ایک انٹرویو میں کہا تھا 'میں پاکستان کے لوگوں سے ہی حوصلہ لیتی ہوں، انہوں نے میری بڑی حمایت اور مدد کی۔'

وہ فیض کے بقول بھٹو کے ساتھ اپنے عہد پر قائم رہیں:

جب گھلی تیری راہوں میں شام ستم

ہم چلے آئے لائے جہاں تک قدم

لب پہ حرف غزل دل میں قندیل غم

اپنا غم تھا گواہی تیرے عشق کی

دیکھ قائم رہے اس گواہی پہ ہم

کیا سیاست نے اسلام آباد بنایا؟ 

https://www.urdunews.com/node/438976 

کیا سیاست نے اسلام آباد بنایا؟

 20 اکتوبر ، 2019

 سہیل سانگی -کراچی

صدر ایوب اسلام آباد کے نقشے کا معائنہ کر رہے ہیں۔ فوٹو: سی ڈی اے

   

تحریک انصاف کی وفاقی حکومت آج کل کراچی میں غیر معمولی دلچسپی اور سرگرم نظر آ رہی ہے۔ جواباً سندھ حکومت اور صوبائی حکمران جماعت پیپلز پارٹی خدشے کا اظہار کر رہی ہے کہ وفاقی حکومت اس کاسمو پولیٹن شہر کو اپنے زیر انتظام لینا چاہتی ہے۔ 

قیام پاکستان کے فوراً بعد کراچی کو جب مرکزی حکومت کا دارالخلافہ بنا کر، مرکزی حکومت کے زیر انتظام کیا جا رہا تھا، سندھ سے اس کی حکومتی و عوامی سطح پر مزاحمت ہوئی تھی۔

سندھ اسمبلی اور مسلم لیگ سندھ نے قراردادیں منظور کیں۔ آئین ساز اسمبلی میں بھی سندھ سے تعلق رکھنے والےاراکین نے اس تجویز کی مخالفت کی۔

سندھ کا موقف یہ تھا کہ اس سے سندھ صوبے کو ہر لحاظ سے نقصان ہوگا۔ سندھ حکومت کی اس شدید مخالفت کی وجہ سے صوبے کے وزیراعظم (تب صوبوں کے وزیراعظم ہوا کرتے تھے) ایوب کھڑو کی کابینہ کو برطرف کر دیا گیا اور ان کے خلاف مختلف مقدمات بھی بنائے گئے۔

تاہم قائداعظم کی مداخلت پر سندھ مسلم لیگ کو منا لیا گیا۔

نئے دارالحکومت کی بنیاد خود ایوب خان نے رکھی تھی۔ فوٹو: سی ڈی اے

قائداعظم نے کراچی کو دارالخلافہ اس لیے منتخب کیا تھا کہ یہ مقام ملک کے دونوں حصوں کے ساتھ رکھنے میں مدد دے گا۔ یہ پہلے ہی کاسموپولیٹن شہر تھا، مشرقی پاکستان کے لوگوں کی یہاں تک بحری جہازوں کے ذریعے رسائی آسان تھی۔

اس کے علاوہ یورپ اور مشرق بعید کی منڈیوں تک سمندری راستے سے آسانی سے پہنچا جا سکتا تھا۔

کراچی کا یہ محل وقوع نئے ملک کی معاشی ترقی کے لیے موزوں تھا۔  

حکومت پر قبضہ کرنے کے دو ماہ کے اندر ایوب خان نے ملک کا دارالخلافہ کراچی سے منتقل کرنے کا فیصلہ کیا۔ جیسے یہ ان کے ایجنڈا پر پہلے سے تھا۔

دراصل یہ فیصلہ انتظامی سے زیادہ سیاسی تھا۔ لیکن کوئی مشاورت نہیں کی گئی۔  

ایوب خان اپنی سیاسی سوانح حیات 'فرینڈز ناٹ ماسٹرز' میں  بعض سیاسی وجوہات کا ایک حد تک اعتراف کیا۔ وہ لکھتے ہیں کہ ’قیام پاکستان کے بعد دارالخلافہ تلاش کرنا اہم مسئلہ تھا۔ مستقل مقام ڈھونڈنے کے لیے وقت نہ تھا۔ فوری ضرورت یہ تھی کہ کوئی اکوموڈیشن والا مقام تلاش کیا جائے۔ کراچی سے بہتر کوئی اور مقام نہیں ہوسکتا تھا۔ میرا خیال ہے کہ تب راولپنڈٰی کا نام بھی زیر غور آیا ہوگا کیونکہ اس شہر کو آرمی کا ہیڈکوارٹر بننا تھا (ایوب خان کے اس دعوے کے کوئی شواہد نہیں ملتے)۔ سندھ حکومت نے دفاتر کے لیے تو جگہ دی لیکن سرکاری افسران کے لیے رہائش کا مسئلہ تھا جنہیں بعض فوجی بیرکیں خالی کرا کے دی گئیں۔‘

ایوب خان اپنی سیاسی سوانح حیات میں بعض سیاسی وجوہات کا ایک حد تک اعتراف کیا۔ 

دوسری وجہ بڑھتی ہوئی آبادی اور سرمایہ کاروں کی آمد بتائی۔ تیسری وجہ کراچی کا موسم جو کہ بقول جنرل کے سرکاری ملازمین کی صحت پرمضراثرات ڈال رہا تھا۔ چوتھی وجہ ان کے الفاظ میں تھا 'وفاقی وزراء کراچی کی مقامی انتطامیہ کے معاملات میں الجھ رہے تھے۔‘

ایوب خان نے پانچویں وجہ یہ بتائی کہ 'شہر احتجاجی سیاست کا مرکز بن گیا۔ سیاست دانوں نے سمجھ لیا ہے کہ وہ صنعتکاروں اور تاجروں کے ذریعے مجمع لگا کے حکومت پر ہرطرح کا دبائو ڈال سکتے ہیں۔ ایک وقت آئے گا کہ ایک بڑا جلسے لگا کر چند فسادی لوگوں حکومت کی قسمت کا فیصلہ کرنے لگیں گے۔  کاروباری حضرات کے ساتھ  افسران کے روابط مسلسل رابطہ کرپشن کی طرف لے جارہے تھے۔‘ (صفحہ 95 سے 98 تک)۔

ایوب خان کے مطابق ان سے پہلے بھی دارالخلافہ کی منتقلی زیر غور تھی۔ کوئی فیصلہ نہ ہوسکا کیونکہ اس وقت حکومت اتنی مضبوط نہیں تھی، جوان مخصوص مفادات کی مزاحمت کرسکتی جوکراچی سے دارالخلافہ کی منتقلی کی صورت میں مرکزی حکومت پر کنٹرول کھو دیتے۔‘

یکم جنوری 1959 کو ایوب خان نے جنرل یحیٰ خان کی سربراہی میں دارالخلافہ کی موزونیت جاچنے کے لئے کمیشن بنایا۔ کراچی کے نزدیک گڈاپ متبادل مقام کے طور پر زیرغورآیا۔ کمیشن کی تجویزحکومت نے بیس اکتوبر 1959 کو راولپنڈی کے نزدیک پوٹھوہار میں ایک مقام منظور کیا۔

فیڈرل کیپٹل کمیشن کی سفارشات میں منتقلی کے حق میں دلائل دیئے گئے' اپنی ماہیت میں کثیراور کاسموپلیٹین آبادی (کراچی) کا سرکاری انتظامیہ پراثر ختم ہو جائے گا۔ دارالخلافہ کو دارالخلافہ ہی ہوناچاہئے جوغیرسرکاری سویلین آبادی کی متصادم جہتوں میں کھینچا تانی سے صاف ہو۔ دارالخلافہ ایسے مقام پر ہو جہاں بزنیس کمیونٹی سرکاری افسران سے سماجی سطح پر رابطے میں نہ ہو۔‘

کاروباری حلقوں کا کہنا تھا کہ دارالحکومت کی منتقلی سے کراچی کی ترقی رک جائے گی۔

دارالحکومت بننے سے پہلے کے اسلام آباد کا ایک منظر۔ فوٹو: سی ڈی اے

مشرقی پاکستان منتقلی کے حق میں نہ تھا۔ قومی سطح پر رضامندی موجود نہیں تھی۔ ملک میں مارشل لاء کی وجہ سے اس کی مخالفت ابھر کر سامنے نہ آسکی۔

میتھیو ہل اپنی تحقیقی کتاب 'بیورکریسی کی  مادیت اور شہری پاکستان' میں لکھتے ہیں کہ مشرقی پاکستان کے عوام کراچی میں مرکزی حکومت کا دارالخلافہ کے قیام پر مطمئن تھے۔ جہاں اکثریت ہجرت کر کے آنے والوں کی تھی، اور یہاں تک بنگالیوں کی بحری راستے سے رسائی کم خرچ تھی۔ لہٰذا دونوں حصوں کے لوگ یکسان طورپر مرکزی دارالخلافہ پہنچ سکتے تھے۔ دارالخلافہ کراچی سے شمالی پنجاب میں لے جانے سے ان کے خدشات کو مدد ملی کہ مغربی پاکستان اور خاص طور پر پنجابی، مشرقی پاکستان پرحاوی ہونا چاہتے ہیں۔ ملک میں فوجی آمریت کی وجہ سے یہ مخالفت غیر موثر رہی۔ ایوب خان کے جانے کے بعد جب یحیٰ خان نے اقتدار سنبھالا تو بعض سیاستدانوں کی جانب سے یہ مطالبہ کیا جانے لگا کہ دارالحکومت کو واپس کراچی لایا جائے۔ (صفحہ 41 -42 )

بعض مغربی ماہرین کے نزدیک ایوب خان کا یہ قدم برطانوی تاجروں کے بنائے ہوئے شہر سے نکلنا تھا جس میں ہجرت کر کے آنے والے حاوی تھے۔ دارالخلافہ کو وہاں سے نکال کرٹیکسلہ کے قرب پنجاب میں لایا گیا۔ یوں ساحلی شہرمیں واقع دارالخلافہ جو سیاسی مقابلہ بازی اور کشیدگی میں گھرا ہوا تھا اس کو جی ایچ کیو کے قریب لایا گیا۔ یہ مقام مغربی پاکستان کو مناسب تھا۔

میتھیو ہل لکھتے ہین کہ یحیٰ کے دور تک نئے دارالخلافہ کی زیادہ تعمیر نہین ہوئی تھی۔ لہٰذا اس کو واپس کراچی لانے کا مطالبہ کیا گیا۔ تب ایک بنگالی مسلم لیگی لیڈر نے کہا کہ ایک آمر نے خلاصتا اپنے ذاتی مفادات کی خاطردارالحکومت اسلام آباد منتقل کیا ہے۔ مشرقی پاکستان کے لوگوں کے مصائب تب تک ختم نہیں ہونگے جب تک مرکزی دارالحکومت یہاں منتقل نہیں کیا جاتا۔ بیورکریسی میں بھی کئی لوگ کراچی واپس منتقلی کے حق میں تھے لیکن فوج نہیں بات نہیں مانی۔ اس تجویز پر یحیٰ خان نے صحافیوں سے بات کرتے ہوئے کہا کہ 'کیا آپ ہمیں کولہو کا بیل بنانا چاہتے ہیں؟ کبھی ادھر کبھی ادھر، ایک دائرے میں گھومتے رہیں۔'

'وفاقی وزراء کراچی کی مقامی انتطامیہ کے معاملات میں الجھ رہے تھے۔‘

مشرقی پاکستان کے سیاستدان اورانگریٓزی روزنامہ 'پاکستان آبزرور' کے بانی صحافی چوہدری حمید الحق اپنی یاداشتوں میں لکھتے ہیں کہ 'ایوب خان نے کراچی سے دارالخلافہ منتقل کیا تاکہ جی ایچ کیو کے قریب ہو۔ پنڈی پنجاب کا شہر تھا، اس لئے پنجابی اس منتقلی پر خوش تھے۔

بنگالیوں نے1958 تک کراچی کو صدر مقام کے طور پر قبول کر لیا تھا اورانہوں نےکراچی وغیرہ میں رہائش اختیار کرلی تھی۔ پنڈی ڈھاکہ سے بہت دورتھا، کئی بنگالیوں کا خیال تھا کہ اقتدار کی سیٹ ان سے دور ہو گئی ہے۔ نیا دارالخلافہ ایوب کے دور میں ملک کی آدھی آمدن کھا گیا۔ منتقلی کا مطلب دو حصوں کے درمیان مزید فاصلے۔  بہت ہی زیادہ مرکزیت والی انتظامیہ میں مشرقی پاکستان کے تمام رابطے ٹوٹ گئے جس سے بنگالیوں میں مایوسی اور بے چینی میں اضافہ ہوا۔ '

مزید پڑھیں

• 
  ہالہ کے مخدوم خاندان کی کہانی
• 
  اقتدار کے ’پاس‘ رہنے والا مہر خاندان
• 
  ’ہم وہ پیدائشی حاکم ہیں جو ہمیشہ اقتدار میں رہتے ہیں‘
• 
  مرتضیٰ بھٹو کا قتل کیوں ہوا؟
• 
  بھٹو پر قتل کا دوسرا مقدمہ

'ایسا تھا میرا کراچی' کے مصنف سعید جاوید لکھتے ہیں کہ اس منتقلی پر کراچی کےعوام نےکچھ خفگی کا اظہار کیا کہ کراچی سے پاکستان کے دارالحکومت ہونے کا اعزاز چھن گیا۔  

پاکستان اسٹڈیز سینٹر کراچی یونیورسٹی کے سابق ڈائریکٹراور پاکستان کی سیاست اور تاریخ پر کئی کتابوں کے مصنف پروفیسر ڈاکٹر جعفراحمد کا کہنا ہے کہ یہ منتقلی سٹریٹیجک نقطہ نظر سے ہوئی۔ چونکہ جی ایچ کیو کوراولپنڈی سے کراچی لے آنا مشکل تھا، لہٰذا دارالخلافہ کو پنڈی کے قریب منتقل کر دیا گیا۔ اس سے قبل آئین سازی پر بحث کے دوران یہ دارالخلافہ دونوں حصوں میں رکھنے پر اتفاق کیا گیا۔ لیکن اسمبلی توڑ دی گئی۔ فیصلہ کن موڑ بنگال کے صوبائی انتخابات کے نتائج کے وقت آیا جب اسٹبلشمنٹ عوام سے مکمل طور پر کٹ گئی۔ اختیارات پر گرفت مضبوط کرنے کی ٹھانی گئی۔ دوسرا موڑ1956 کا آئین اگرچہ کمپرومائیزنگ آئین تھا، لیکن اس کو توڑنے نے بہت کچھ بدل دیا۔ مارشل لاء کے نفاذ کے بعد مشرقی پاکستان کی اقتدار میں نمائندگی مزید کم ہو گئی۔ منتقلی نے مشرقی پاکستان کے مسئلے کو مزید پیچیدہ کیا۔  

محقق اور ایک سو سے زائد کتابوں کے مصنف احمد سلیم کا کہنا ہے کہ حکمرانوں نے اپنا کنٹرول بڑھانے کے لیے دارالخلافہ کراچی سے منتقل کیا۔ کراچی میں لوگ اپنے مسائل کے لئے سڑکوں پر آجاتے تھے، جمہوریت اور حقوق کی بات کرتے تھے۔ لہٰذا یہاں سے دارالخلافہ منتقل کر دیا گیا۔

سندھ کی تاریخ پر تین کتابوں کے مصنف پروفیسراعجاز قریشی نے بتایا کہ انڈیا سے کراچی آکر بسنے والے وفاقی حکومت کے لئے درد سر بنے، وفاقی سیکریٹریزوغیرہ کی مذمت ہونے لگی۔ بعض پنجابی سیکریٹریوں کی بےعزتی بھی کی گئی۔ ایوب خان بھی سیاسی ہنگاموں سے بیزار تھے، انہوں ایک دو بیانات بھی دیئے۔ حکومت کا خیال تھا کہ صنعتی اور کاروباری شہر سے دور ہونگے تو سیاسی شور شرابہ اور دبائو کم ہوگا۔ اس منتقلی سے اقتدار کی سیٹ پر پنجاب کی گرفت مضبوط ہوئی۔